BEDʼEA JɄ̃DRɄRA
YI 4
Edabʉta krĩchara
Testo: «Edapanʉne krĩchaidua wuabemarãra marane ʉ̃tapanʉta» (Filip. 2:3).
Pabloba odata
1. Akʉra BIDEOTA, mawũã ẽ bʉrʉ akʉra Hechos 26:2, 3. Mõbe naʉ̃ta panʉra:
¿Pablobara sãwũã eda krĩchabʉta ũdubisi nokʼo Agripaʉ̃me bedʼeasidera?
¿Sãwũã ũdubisi Pablobara Jeowara akʉza Daizeze Bedʼeara ʉ̃tabʉta iyi krĩchaira? (Akʉra Hechos 26:22).
¿Kʼãrẽta kʼawuapanʉ Pabloba odadeba?
2. Dayirãba jaradiabʉra ẽbẽra soidu jʉ̃ẽbʉ ibiade bedʼeabʉbʉrʉ akʉza wawiabʉta ũdubibʉbʉrʉ.
Pablode kĩrãkʼa ora
3. Ʉ̃ta krĩchabʉta ũdubirãra. Ũdubirãra jõma kʼawuabʉta akʉza wuabema ẽbẽrarãbara kʼawua ẽãta bʉre kĩrãkʼa. Bʉ bedʼeabʉdeba ũdubira wawiabʉta.
4. Ũdubira bʉa jaradiabʉra Daizeze Bedʼeadeba zebʉta. Daizeze Bedʼeara ẽbẽrarã soidu jʉ̃ẽbʉ akʉza nebia obibʉ. Dayirãba Daizeze Bedʼeadeba jaradiabʉrʉdera kʼarebapanʉ ẽbẽrarãba erpanamarẽã wãrĩnuta ãyi sode.
5. Kĩrʉrãra. Bedʼeakarãra akʉza ũdubirãra bʉabʉrʉ audre kʼawuabʉta. Edabʉta ũdubira, kĩrʉrãra adewara bedʼeakai naena wãra (Prov. 17:14; Tito 3:2). Ibiade bedʼeabʉrʉba kʼarebayi tẽã juneane ũrĩnamarẽã dayirã bedʼeara.