BEDʼEA JɄ̃DRɄRA
YI 5
Ibiade bedʼeara
Testo: «Bʉ bedʼeabʉra ibiade bedʼeabaibara» (Col. 4:6).
Pabloba odata
1. Akʉra BIDEOTA, mawũã ẽ bʉrʉ akʉra Hechos 17:22, 23. Mõbe naʉ̃ta panʉra:
¿Sãwũã sentisi Pablora Atenasdebemaba nekayirua opanu ũdusidera? (Akʉra Hechos 17:16).
¿Pablobara imitia bedʼeai kaude sãwũã jaradiasi ãya ĩjãbʉdeba ibiade?
¿Kʼãrẽta kʼawuapanʉ Pabloba odadeba?
2. Ẽbẽrarãbara dayirãba jaradiabʉra audre ũrĩnañi bedʼeai naweda biʼia krĩchabʉbʉrʉ kʼãrẽ jaraita akʉza sãwũã jaraita.
Pablode kĩrãkʼa ora
3. Biʼia krĩchara kʼãrẽ jarai nãã. Ẽbẽra abaʉba kristianora ʉ̃rʉ ũrĩkabʉrʉ, Daizeze Bedʼeata akʉza Jesu ʉ̃rʉ ũrĩkabʉrʉ, akʉdaibara kʼãrẽ bedʼea jaraita.
4. Waña jararãra aña panʉsita iya panʉbʉrʉde. Idu bedʼeabira, kʼãrẽ jara ẽã. Iya aña jarabʉbʉrʉ Daizeze Bedʼeadebemata, mesera bai jararãra aña krĩchabʉta (Sant. 1:19). Bʉa biʼia ũrĩbʉbʉrʉ iyi bedʼeata kʼawuayi kʼãrẽ kʼarea mawũã krĩchabʉta (Prov. 20:5).
5. Aripe jarabʉbʉrʉ jarada bia jarabʉta. Ẽbẽrabara krĩchaseabʉ iya ĩjãbʉra wãrĩnuarata. Bedʼea akʉra iyiʉ̃me bʉa ĩjãbʉta iya ĩjãbʉme abarikabʉ ʉ̃rʉ. Maʉ̃are wiña wiñane jaradia wãra wãrĩnuarãra Daizeze Bedʼeadeba.