BEDʼEA JɄ̃DRɄRA
Lucas 19:1-7 bayeda
YI 6
Zowaĩnĩgʉa bara
Testo: «Daizezebara zowaĩnĩgʉa diasi dayirã, bedʼea bia jaradiaita» (1 Tes. 2:2).
Jesuba odata
1. Akʉra BIDEOTA, mawũã ẽ bʉrʉ akʉra Lucas 19:1-7 bayeda. Mõbe naʉ̃ta panʉra:
¿Kʼãrẽa bakĩrã ẽ basi baibara ʉ̃kʉrʉ ẽbẽrarãra Zaqueo kʼaitara?
Mamina, ¿kʼãrẽa jaradiakĩrãbasi Jesubara Zaqueoara?
¿Kʼãrẽta kʼawuapanʉ Jesuba odadeba?
2. Zowaĩnĩgʉa erpanaibara ẽbẽrarã jõmaʉ̃ʼa jaradiaita.
Jesude kĩrãkʼa ora
3. Ĩjãra Jeowata. Daizeze jaure zareabara kʼarebasi Jesura zowaĩnĩgʉa bamarẽã jaradiaita, dayirãsida abarika kʼarebabʉ (Mat. 10:19, 20; Luc. 4:18). Jeowaʼa zowaĩnĩgʉata widira, ẽbẽra dayirã perabibʉʼa jaradiaita (Hechos 4:29).
4. Kĩrã awa akʉrãra. Edaʉde bedʼeamapanʉ ẽbẽraʉ̃mera iyi sãwũã wua jʉ̃bʉ kʼarea, plata erbʉ baera mawũã ẽ bʉrʉ plata neẽ baera adewara awuru religion erbʉ baera. Mamina kĩrãbera naʉ̃ta:
Jeowaba Jesuʼʉ̃mebara akʉbʉ ẽbẽra sora, dayirãbara ũduda ẽ.
Krĩcha beda ẽ Jeowabara maʉ̃ra ẽbẽrarã kʼarebakĩrã ẽãta.
5. Zowaĩnĩgʉa baibara mamina biʼia akʉibara. (Mat. 10:16). Bedʼeakarãra. Ẽbẽraba bʉ bedʼeata ũrĩkĩrã ẽ bʉrʉ wua bedʼearãra akʉza bʉa akʉbʉbʉrʉ maʉ̃ba zʉbʉria oita kĩrʉ ẽã wãra. (Prov. 17:14).