JẼDA AKɄ WÃRA
YI 8
Jʉ̃ã kʼawua bara
Testo: «Kãga ũdubibʉbara jʉ̃ã kʼawuabʉ» (1 Cor. 13:4).
Jesuba odata
1. Akʉra BIDEOTA, mawũã ẽ bʉrʉ akʉra Juan 7:3-5 bayeda akʉza 1 Corintios 15:3, 4, 7. Mõbe naʉ̃ta panʉra:
¿Jesuba jaradia jʉ̃drʉsidera kʼãrẽta osida yi mebẽrãbara?
¿Sãwũã kʼawuapanʉ Jesubara kʼarebabasita yi mebẽã Santiagora?
¿Kʼãrẽta kʼawuapanʉ Jesuba odadeba?
2. Jʉ̃ã kʼawuapanaibara dayirãbara, ʉ̃kʉrʉ ẽbẽrarãbara mesera ĩjã ẽ baera Daizeze Bedʼeara.
Jesude kĩrãkʼa ora
3. Akʉra sãwũã jaradiaita. Ẽbẽra abaʉba bʉaʼa jarara Daizeze Bedʼea kʼawua jʉ̃drʉkĩrã ẽãta, jʉ̃ã kʼawuabara akʉza widida ʉ̃rʉ widirãra. Tẽã junea iyiʉ̃me bedʼeabʉrʉde ũdubiseabʉ bideota iya akʉmarẽã sãwũã jaradiapanʉta Daizeze Bedʼeara dayirãba akʉza sãwũã kʼarebaseabʉta maʉ̃ba iyira.
4. Krĩcharãra jõma abarika krĩchapanʉta. Jõma awuara awuaraka panʉ. Ẽbẽra abaʉba akʉza dayirã mebẽrãʼara abaʉdebemaba jarara Daizeze Bedʼeata kʼawua kĩrã ẽãta mawũã ẽ bʉrʉ Daizeze Bedʼea ĩjã ẽãta, krĩchara kʼãrẽ kʼarea mawũã krĩchabʉta. ¿Kʼãrẽta ĩjãbʉba iyara akʉza saʉ̃ religionta kãgabʉba? ¿Iyi kʼarea ipidapanʉka ẽbẽrarãra akʉza iyibawara trajabʉrãra? Idu krĩchabira bʉa jarada ʉ̃rʉ akʉza sãwũã kʼarebaseabʉta Daizeze Bedʼeaba iyira.
5. Yiwidʼira ẽbẽrarãbari. Jeowaʼa widira bia krĩchaita akʉza wuabemara bia akʉita. Adewara Jeowaʼa widira buru bia diamarẽã kʼawuaita sõbede jẽda wua akʉ wã ẽ baita, ẽbẽraba wãrĩnu ũrĩkĩrã ẽ bʉrʉ Daizeze Bedʼeata (1 Cor. 9:26).