¿Adewara kʼairata zedamarẽã jaraseabʉ?

Poagaza ẽbẽrarã jõmaʉ̃ʼa jarakapanʉ daibawara zedamarẽã Jesu beida kĩrãbedaita. Mamara jʉ̃ẽñi ẽbẽrarã dayirãba ũdukata. Adewara dayirãbara jarakaibara dayirã neũdukʼawuabida. Ẽbẽrarã audre jʉ̃ẽñi yi neũdukʼawuaba trʉ̃ra (yb08-S 11 parr. 3; 14 parr. 1). ¿Adewara kʼairata zedamarẽã jaraseabʉ?

• Dayirã mebẽrãta.

• Dayirãbawara trajabʉrata akʉza kolegiode estudiabʉrata.

• Dayirã de kʼawabʉrata.

• Ẽbẽrarã dayirãbawara Daizeze Bedʼea kʼawuabʉrata akʉza ẽbẽrarã Daizeze Bedʼea kʼawuabadarasida.

Adewara zõrãrãbara trʉ̃nañi mebẽrã Daizeze ode kʉrãzadarasida. ¿Kʼãrẽta oseabʉ dayi neũdukʼawua jĩgabʉta trʉ̃kĩrãbʉbʉrʉ? Jʉrʉibara iyi de kʼawa Jesu beida kĩrãbedaira sama odaita akʉza kʼãrẽ ũmadaʉde oidaita mawũã ãyi wãseabʉma wãmarẽã. Maʉ̃ kʼarea jʉrʉda internetʼne jw.org DAI Ʉ̃RɄ, mama katʉra, maʉ̃ tẽã ũduseabʉ «Jesu beida kĩrãbeita», mama katʉra. Jesu beida kĩrãbei ewari zeyeda krĩchara kʼaita jʉ̃ẽmarẽã kãgabʉta.