¿Bʉara nejõma obʉka Jesu beida kĩrãbepanʉne eda bʼaita?

Jesuba Paskua wua oẽ baita odara audre yibiabasi. Iyira beibodotabʉ baera, iyi kʼaidu panʉrabawara ãba zekĩrãbasi Paskua oita akʉza zokʼai baera mamaʉ̃ba ʉ̃ta ojʉ̃drʉdamarẽã iyi bei nãã yiko odata. Maʉ̃ kʼarea jarasi Pedroʼa akʉza Juanʼa deta ara odamarẽã (Lu 22:7-13; akʉra poto yi nããrabemata). Maʉ̃ba dayirã kĩrãbebibʉ dayirãsi abarika mawũã bʼaibarata Jesu beida kĩrãbedaita, maʉ̃ta odayi marzo 27de. Kongregasionʼrabara yi jidama kʼaiba diskurso diaita, sama odaita, kʼairaba ara oita, kʼaiba panta binoʉ̃me edeita. Mamina, ¿dayirã aba abaka kʼãrẽta oseabʉ maʉ̃ ewaride mama eda bʼaita?

Dayi sobara bia kʼawua erbaibara. Jesu beida kĩrãbei ewari zebʉrʉde krĩchadaibara Daizeze Bedʼea ʉ̃rʉ akʉbʉta. Examinemos las Escrituras todos los días, mama edabʉ sãwũã arare arare akʉibarata Daizeze Bedʼeade Jesu beida ʉ̃rʉ. La Biblia. Traducción del Nuevo Mundo, mama audre jara ũrĩbibʉ sãwũã arare arare akʉibarata Daizeze Bedʼeade Jesu beida ʉ̃rʉ akʉza Karta nekʼawuabari abril 2020debemata. Bʉ mebẽrãbawaraʉba akʉkĩrãbʉbʉrʉ kʼãrẽa yibia Jesu beidata, akʉra Índice de las publicaciones Watch Tower akʉza Guía de estudio para los testigos de Jehová.

Trʉ̃naibara awururasida. Daizeze bedʼea audre jaradia wãibara Jesu beida kĩrãbeita. ¿Kʼairata trʉ̃sepanʉ? Dayirãba jẽda akʉ wãi amaenata, dayirãba Daizeze bedʼea kʼawuabibadata, dayirã mebẽãrata akʉza neũdukʼawuarata. Kongregasion zõrãrãdebemarabara trʉ̃seabʉ mebẽrã Daizeze ode badara kʉrãzadarasida. Kĩrãbeidua, dayi neũdukʼawua jĩgarabʉta trʉ̃kĩrãbʉbʉrʉ jʉrʉibara iyi de kʼawa Jesu beida kĩrãbedaira sama odaita akʉza kʼãrẽ ũmadaʉde odaita mawũã ãyi wãseabʉma wãmarẽã. Maʉ̃ kʼarea jʉrʉda internetʼne jw.org DAI Ʉ̃RɄ, mama katʉra, maʉ̃ tẽã ũduseabʉ «Jesu beida kĩrãbeita», mama katʉra.

¿Kʼãrẽta audre oseabʉ mama bʼaita?