BʼAITA KRISTIANORA KĨRÃKʼA
Ewariza akʉ kʼawuadaibara saʉ̃ta yibiata akʉza saʉ̃ta zeri ẽãta
Ẽbẽra wẽbabari kĩrãkʼa iyi kakua daucha erbaita ewariza wẽbaibara, dayirãbida zarea oibara akʉ kʼawuaita saʉ̃ta yibiata akʉza saʉ̃ta zeri ẽãta (Heb 5:14). Dayirãba wuabemane kĩrãkʼa oseabʉmina, dayirã dobaʉba zarea oibara akʉ kʼawuaita saʉ̃ta yibiata akʉza saʉ̃ta zeri ẽãta. ¿Kʼãrẽa? Dayirã aba abakaʉba Daizezeʼa jaradaya dayidebemata (Ro 14:12).
Dayirãba dããraba baera buru kʼoedata krĩchaseapanʉ jõma biʼia jidabʉta nekʼãrẽ obʉrʉdera. Mamina nekʼãrẽ bia jidaira ĩjãnaibara Jeowa ʉ̃rʉ, Daizeze Bedʼea ʉ̃rʉ akʉza iyi organizasion ʉ̃rʉ (Jos 1:7, 8; Pr 3:5, 6; Mt 24:45).
BIDEO «KRĨCHA BIATA ERBARA» ŨDUBIDA TẼÃ, PANɄRA NAɄ̃ WIDITA:
¿Kʼãrẽta oita jidaibarabasi Emmabara?
¿Kʼãrẽa jara ẽ baibara wuabemarãra sãwũã krĩchaibarata nekʼãrẽ oi ʉ̃rʉra?
¿Kʼãrẽ ũrãgʼata diasida Emmara mebẽrã juwa jidapanʉraba?
¿Emmaba nesidabʉ bedʼeara sama ũdusi?