Zokʼara libro Bʉra ewari jõmaʉ̃nẽ sobia baseabʉ wuabemara ĩjãbita Jeowade akʉza Jesude

Nekʼawuabarirabara ĩjã zarea erbaita nesidapanʉ, Jeowa dabʉ nãã bia bamarẽã (Heb 11:6). Bʉra ewari jõmaʉ̃nẽ sobia baseabʉ libroba kʼarebayi ãyi soidu jʉ̃ẽita. Naʉ̃ librobara erbʉ testo biata Daizeze Bedʼeadebemata, biʼia jara ũrĩbibʉta, bedʼea dayirã krĩchabibʉta, potorata akʉza bideorata. Dayirãba kʼarebabʉbʉrʉ dayi nekʼawuabariraba ãyi sode nebia erbamarẽã akʉza Daizeze neũdukʼawua bamarẽã, zarea ĩjãpanañi bedʼea zroma ũdubʉdadera (1Co 3:12-15).

Ʉ̃kʉrʉbara ĩjãna ẽ ãyira Daizeze neũdukʼawua baseabʉta ũduda ẽ baera. Maʉ̃ kʼarea jaradiaibara Daizezeta ũdukʼawuadamarẽã akʉza iyide ĩjãnamarẽã.

BIDEO ZOKʼARA LIBRO «BɄRA EWARI JÕMAɄ̃NẼ SOBIA BASEABɄ» WUABEMARA JEOWADE ĨJÃBITA ŨDUBIDA TẼÃ, PANɄRA NAɄ̃ WIDITA:

• ¿Sãwũã kʼawuapanʉ maʉ̃ mebẽãbara jaradiai naweda, nãã biʼia akʉsita?

• Nekʼawuabariba Isaías 41:10, 13ba jarabʉ ʉ̃rʉ krĩchabʉta jaramarẽãra, mebẽãbara ¿kãrẽ bedʼeata widisi?

• ¿Sãwũã kʼarebasi bideoba akʉza testo Daizeze Bedʼeadebemaba nekʼawuabarira?

Ẽbẽra mejãchaʉba kʼawua ẽ ẽdrʉbibarira kʼãrẽra akʉza maʉ̃ra Daizezeba diada kĩrãkʼa ũduda ẽ (Gál 2:20). Maʉ̃ kʼarea kʼarebadaibara Jesu beida ʉ̃rʉ ĩjãnamarẽã.

BIDEO ZOKʼARA LIBRO «BɄRA EWARI JÕMAɄ̃NẼ SOBIA BASEABɄ» WUABEMARA JESUDE ĨJÃBITA ŨDUBIDA TẼÃ, PANɄRA NAɄ̃ WIDITA:

• ¿Sãwũã kʼawuapanʉ maʉ̃ mebẽãbara jaradiai naweda nãã biʼia akʉsita?

• ¿Mebẽãbara sãwũã zokʼasi «Jʉrʉda audre kʼawuaita» abʉta, iyi nekʼawuabari kʼarebaita?

• ¿Nekʼawuabaritara kʼãrẽa audre yibia yiwidʼi bʼaira?