Kʼãrẽ oita krĩchara Jesu beida jẽda kĩrãbepanʉ ewaride

Jeowa ʉ̃rʉ Kʼawuabipanʉrãitara Jesu beida jẽda kĩrãbei ewarira audre yibia. Jesu beida jẽda kĩrãbei nãã akʉza maʉ̃ berabarida tẽã Jeowa ʉ̃rʉ Kʼawuabipanʉrãbara nekʼãrẽ jõma obʉ Jeowa ʉ̃rʉ ibia bedʼeaita akʉza biga diaita, iya iyi warrata beimarẽã zokʼasi baera (Ef 1:​3, 7). Zarea opanʉ jõmaʉ̃ʼa jaradaita jʉ̃ẽnamarẽã Jesu beida jẽda kĩrãbepanʉ ewaride. Adewara ʉ̃kʉrʉ mebẽrãra yi nãã edebari 30 mawũã ẽ bʉrʉ 50 ora diabari babʉ marzo akʉza abrilde. ¿Audre jaradiakĩrãbʉka Daizeze bedʼeata Jesu beida jẽda kĩrãbepanʉ ewaride? ¿Kʼãrẽta oibara?

Dayirãba nãã bia krĩchabʉbʉrʉ kʼãrẽ oita mawũãra bia wãñi (Pr 21:5). Jesu beida jẽda kĩrãbeira arakʼaita ba, maʉ̃ kʼarea kãwũãena krĩchaibara kʼãrẽ oita akʉza Jeowaʼa widida bʉta kʼarebamarẽã maʉ̃ aripe oita (1Jn 5:​14, 15).

¿Krĩchabʉka kʼãrẽta oita Jesu beida jẽda kĩrãbepanʉ ewaride?