Daizeze bedʼea jaradia wãita septiembrede Daizeze Nokʼo ʉ̃rʉ jarakaita

Septiembrede zarea odayi jaradiadaita ẽbẽrarã Daizeze Nokʼobʉrʉ ara oseabʉta bedʼea zroma naʉ̃ drʉade ũdupanʉra (Mt 24:14). ¿Kʼãrẽta oseabʉ mawũã jaradia bʼaita? Maʉ̃ ewaridera, Daizeze bedʼeara jaradiara testo Daizeze Nokʼo ʉ̃rʉ bedʼeabʉdeba. Bʉa badu testo jidabʉrʉde krĩchara ẽbẽrarãba kʼãrẽta ĩjãbʉta bʉchumae. Bʉ nãã bedʼea jʉ̃drʉbʉrʉde ẽbẽra abaʉba ũrĩkĩrãbʉbʉrʉ Daizeze Bedʼeata, diara karta Jarakabʉ numero 2, 2020de (jõmaʉ̃itabʉra). Ewari bio berabarirãra maʉ̃ ẽbẽra jẽda akʉ wãita mawũã Daizeze Bedʼea kʼawuabita karta Bʉra ewari jõmaʉ̃nẽ sobia baseabʉdeba. Maʉ̃ jedekode yi nãã edebarirabara oseabʉ 15 mawũã ẽ bʉrʉ 30 ora.

Arakʼaita ba Daizeze Nokʼoba nokʼora naʉ̃ Drʉadebema jõma makenaita (Da 2:44; 1Co 15:24, 25). Maʉ̃ kʼarea zarea odadrʉ Jeowaʉ̃me kʼẽrẽpa bʼaita akʉza iyi Nokʼoare bʼaita.