Jʉrʉda nekʼãrẽ biʼiabʉta Daizezedebemata

Dayirãba Daizeze Bedʼea akʉbʉrʉdera nekʼãrẽ bia Daizezedebemata ũduseapanʉ, ¿maʉ̃ba dayirã audre kʼarebamarẽãra kʼãrẽta oseapanʉ?

Daizeze Bedʼeade nebʉrabʉ ʉ̃rʉ audre bia kʼawuara. Bari jaraita akʉra kʼaiba bʉsita maʉ̃ nebʉrara, kʼaita bʉsita akʉza kʼãrẽa bʉsita. ¿Kʼãrẽta berabarisi maʉ̃ nãã akʉza maʉ̃ tẽã?

Krĩchara bʉa kʼãrẽta kʼawuaseabʉta: «¿Yi ẽbẽrarã nebʉrade jarabʉra sãwũa sentipanasi? ¿Kʼãrẽ nebiata ũdubipanasi ãyara? ¿Mʉ̃ara kʼãrẽa ãyide kĩrãkʼa nebiata ũdubibara akʉza kʼãrẽa ãya aña oda kĩrãkʼa oẽ baibara?».

Ora bʉa kʼawuabʉ kĩrãkʼa Daizeze Bedʼea jaradia wãbʉrʉde, mawũã ẽ bʉrʉ ẽbẽrarãʉ̃me bedʼeabʉrʉde. Bʉa naʉ̃ta obʉbʉrʉ ũdubiyi buru bia erbʉta, Daizeze Bedʼeaba jarabʉ: «Yi buru biabara dau kʼawua erbayi naʉ̃ ʉ̃rʉ akʉza biʼia krĩchayi» (Sal. 107:43).

• Bʉa naʉ̃ta oseabʉ: Akʉza akʉra sãwũã ãba yi jʉrebarimae «Bedʼea bia Daizeze Bedʼeade ũdudata» akʉbʉrʉde naʉ̃ba kʼarebabʉta bʉa kʼawuamarẽã kʼãrẽta oibarata. Naʉ̃ba widibʉ bedʼea dayirãba widiseabʉta akʉza erbʉ bedʼea dayirãba krĩchaseabʉ ʉ̃rʉ, adewara erbʉ potora dayirãba maʉ̃ ʉ̃rʉ krĩchaita.