¿SÃWŨÃ ESTUDIAITA?
Bʉa kʼawuadata wuabemarabida jara ũrĩbira
Daizeze Bedʼea akʉbʉrʉdera dayirã so zarea diabʉ, mamina audre sobiapanʉ wuabemara jara ũrĩbibʉde daya kʼawuada ʉ̃rʉ. Daizeze Bedʼeaba Proverbios 11:25de naʉ̃ta jarabʉ: «Yi ẽbẽra nekʼãrẽ diabʉra nekʼãrẽ mejãcha ũduyi akʉza awuruʼa so zarea diabʉra iyabida so zarea ũduyi».
Dayirãba kʼawuadata wuabemara jara ũrĩbʉbʉrʉ mejãcha kʼawuayi akʉza audre ũrĩ wãnañi. Adewara maʉ̃ba sobiabiyi akʉza wuabemaraba audre ĩjã wãnañi (Hech. 20:35).
Naʉ̃ta ora: Naʉ̃ semana zebʉrʉde ẽbẽraʉ̃me bedʼeara bʉa kʼawuada ʉ̃rʉ jaraita. Naʉ̃rabawara bedʼeaseabʉ: mebẽrãʼʉ̃me, bʉ mebẽrã kongregasionebemaʼʉ̃me, bʉme trajapanʉrabawara mawũã ẽ bʉrʉ kolegiodebemaʼʉ̃me, bʉ de kʼawabʉrabawara mawũã ẽ bʉrʉ bʉa jaradiabʉmae. Bʉa mawũã jarabʉrʉde ãya ũrĩne jara ũrĩbira.
Kĩrãbera: Daya kʼawuadata wuabemara jarabʉrʉdera, maʉ̃ba jarakĩrãbʉ ẽ daya mejãcha kʼaʉbʉta awuarabʉrʉ obʉ wuabemara so zarea diaita (1 Cor. 8:1).