Audre zokʼa kʼawuara reperensia marginalta

Daizeze Bedʼea Traduccion del Nuevo Mundo de bedʼea mejãchabʉde ũduyi letra zakerata maʉ̃ta trʉ̃gapanʉ reperensia marginal. ¿Kʼãrẽita yibia maʉ̃ra? Ũdubita bʉta awuru bersikulora iyabaʉ ʉ̃rʉ bedʼeabʉta akʉza maʉ̃ ʉ̃rʉ audre jara ũrĩbibʉta. Naʉ̃ba ũdubibʉ Daizeze Bedʼeara kĩrã awuara bedʼeachu ẽãta awuarabʉrʉ daucha arare arare bedʼeabʉta. ¿Bʉa sãwũã jʉrʉseabʉ maʉ̃ra? Bʉa erbʉbʉrʉ Daizeze Bedʼea yi imprimimata bedʼea bʉ kʼawa jʉrʉda letra zaketa mõbe iyabaʉ paginane ẽzadra jʉrʉda iyabaʉ letra zaketa. Mamina bʉa Daizeze Bedʼea akʉita zokʼabʉbʉrʉ jw.org ta mawũã ẽ bʉrʉ JW Library^® ta bari katura yi letra zake bʉmae.

Kʼãrẽ ʉ̃rʉ audre kʼawuabi maʉ̃ repensiabara, maʉ̃ta akʉdaya:

Iyabaʉ ʉ̃rʉ nebʉrabʉ: Letra zakeba ũdubibʉ awuru testo iyabaʉ ʉ̃rʉ nebʉrabʉta. Bari jaraita 2 Samuel 24:1ne, bʉ letra zake aba 1 Crónicas 21:1 ena edebʉta.

Samabemata jarasita: Letra zakeba ũdubibʉ kʼãrẽ testodebadata jarasita. Bari jaraita bʉa jʉrʉra Mateo 4:4de letra zakebʉta ũduyi maʉ̃ba edebʉta Deuteronomio 8:3 eda.

Propesiata akʉza sõbede aripe berabarita: Letra zakeba ũdubibʉ propesia jarabʉra sõbede aripe berabarisita. Bari jaraita, akʉra Zacarías 9:9de propesia jarabʉta akʉza Mateo 21:5de jarabʉta.