Naʉ̃ Drʉade Nokʼorãba bia zokʼa ẽ: Daizeze Nokʼoba nekʼãrẽ oita

Politikorabara mejãcha sewida jarapanʉ baera ẽbẽrarãbara ĩjãna ẽ ãyi bedʼeara, ãyara nokʼo biata kãgapanʉ. 2023dera ẽbẽrarã mejãchaʉ̃ra widisida kʼãrẽta krĩchapanʉta nokʼora ʉ̃rʉ ãyi drʉade, ẽbẽrarãbara jarasida politikora bedʼeara ĩjãna ẽãta.a

Daizeze Bedʼeabara jarabʉ Daizeze Nokʼoba zokʼa jʉ̃drʉbʉrʉdera bʼaita Nokʼo daya ĩjãseabʉta. Naʉ̃ Nokʼora sewa nebʉra okabai baera ẽbẽrarãbara ĩjãnañi naʉ̃ bedʼeara. Maʉ̃ra zokʼayi Jesuba (Isaías 9:7).

Jesubara ũdubisi iya ẽbẽrarãra wãrĩnu krĩchabʉta (Mateo 9:35, 36). Iyara Daizeze Nokʼota zokʼai baera, aranʉ ẽbẽrarãra iyiare panʉrãra neneẽã babiyi akʉza bedʼea zroma jõma ara oyi (Salmo 72:12-14).