¿Kʼaita jidai bʉa bʉ nokʼo bamarẽã? | ¿Kʼãrẽta jarabʉ Daizeze Bedʼeabara maʉ̃ ʉ̃rʉ?

Ʉ̃kʉrʉ pʉwʉrʉde ẽbẽrarãba jidadaibara kʼaita ãyi nokʼo bʼaita.

¿Kʼãrẽta jarabʉ Daizeze Bedʼeabara maʉ̃ ʉ̃rʉ?

Nokʼora nama udabemarabara jõma bia obe ẽ

Daizeze Bedʼeabara jarabʉ, bʉta nekʼãrẽ nokʼora nama udabemaraba obe ẽãta.

• «Ĩjãraidua nokʼora ʉ̃rʉ, mia yumakẽrã warra ʉ̃rʉ, ãyara ẽdrʉbibeda ẽ baera. Iñaba ẽ dogo akʉza jẽda egoro babʉ; maʉ̃ iyabaʉ ewaride iyi krĩchara jõdogo» (Salmo 146:3, 4, nota).

Nokʼorãra jõmaʉ̃ta bei wã ãya nekʼãrẽ mejãcha obʉrʉmina. Ãya mejãcha nebia obʉrʉmina obeda ẽ bayi wuabemara nokʼo ãyiare ururaba, iyabaʉta owãnamarẽã (Eclesiastés 2:18, 19).

Adewara Daizeze Bedʼeaba jarabʉ ẽbẽrarãra Daizezebara parã ẽ basita ãyikʉza yi zokʼadamarẽã.

• «Mʉ̃a bia kʼawuabʉ Jeowa, bebʉra mʉ̃re ẽãta. Yumakẽrãbara mia kʼãrẽsida zokʼabe ẽ nekʼãrẽ berabari ʉ̃rʉ» (Jeremías 10:23).

¿Naʉ̃ ewaridera bʉka ẽbẽra abʉta nokʼo bia baseabʉta?

Daizezeba nokʼo jidadata

Daizezeba jʉrʉsi Jesukristoba zokʼamarẽã, iya kʼawuabʉ baera sãwũã zokʼaita akʉza iyi ʉ̃rʉ ĩjãseapanʉ (Salmo 2:6). Jesubara Daizeze Nokʼora ʉ̃tʉba zokʼayi (Mateo 6:10).

¿Bʉa jidaika Jesukristota bʉ nokʼo bamarẽã? Daizeze Bedʼeaba jara ũrĩbibʉ kʼãrẽa bigata Jesuta jidadaita dayirã zokʼamarẽã.

• «Wawiaidua yi warrata mawũã ẽ bʉrʉ kĩrʉñi Daizezeta, mõbe beiyi marara ode, iyira ñabasea kĩrʉbʉ baera. Sobiapanʉ iyi edre mĩrʉpanʉrãra» (Salmo 2:12).

Kãwũãena dayirãbara kʼawua jidaibara. Daizeze Bedʼeade propesiabʉba jarabʉ Jesuba zokʼa jʉ̃drʉsita 1914deba. Akʉza propesiarabara jarabʉ Daizeze Nokʼobara jõma makenaita nama egorode nokʼorabʉra (Daniel 2:44).

Audre kʼawuakĩrãbʉbʉrʉ sãwũã Jesuare bʼaita akʉra artikulo «Kʼãwũãena Daizeze Nokʼoare bʼaibara».