Naʉ̃ drʉa jõmaʉ̃nẽ ẽbẽrarãra dobabʉta sentipanʉ, ¿kʼãrẽta oseabʉ mawũã senti ẽ baita?

• «Ẽbẽrarã Estados Unidosdebema zõrãrãba jarapanʉ doba sentipanʉta, ʉ̃kʉrʉ warrarabida mawũã jarapanʉ» (Our Epidemic of Loneliness and Isolation: The U.S. Surgeon Generalʼs Advisory on the Healing Effects of Social Connection and Community [Informe de la máxima autoridad en salud pública de Estados Unidos sobre la soledad y el aislamiento], 2023de).

• «[OMS] organizasionba oita jarasi organizasion aba, maʉ̃ organizasion trʉ̃ra Comisión sobre Conexión Social debema, mawũã ẽbẽrarã kʼarebaita doba sentida ẽ marẽã akʉza mawũã ãyirai kʼarebaita audre bia wãmarẽã, krĩcha ẽã maʉ̃ra pʉwʉrʉ plata mejãcha barabʉta, mawũã ẽ bʉrʉ neẽãta» (Organización Mundial de la Salud, 15 noviembre de 2023de).

Daizeze Bedʼeaba ũrãgʼa biata diabʉ ẽbẽrarãba kʼawuadamarẽã wubemarabawara bia wãita.

Daizeze Bedʼearadebemaba sãwũã kʼarebabʉta

Jʉrʉrãra bʉ nekʼãrẽ wuabemaraneba jĩga babibʉta. Maʉ̃ne edabʉ internet mejãcha zokʼaita. Maʉ̃ oi kaude ewari berabarira wuabemara ẽbẽrarãbawara akʉza neũdukʼawua bara ãyibawara.

• Daizeze Bedʼeadebemata: «Neũdukʼawuarabara ewari jõmaʉ̃nẽ kãgabʉ akʉza bedʼea zroma zebʉrʉde mebẽãʼara kĩrãkʼabʉ» (Proverbios 17:17).

Jʉrʉda wuabemara sãwũã kʼarebaita. Wuabemara bari nekʼãrẽ obʉde kʼarebabʉ ãyibawara bia bʼaita, bia senti bʼaita akʉza sobia bʼaita.

• Daizeze Bedʼeadebemata: «Audre sobiabʉ daya diabʉde dayaʼa diapanʉira» (Hechos 20:35).

Akʉra dai pagina internetʼne kʼawuaita kʼãrẽta oseabʉta neũdukʼawua bia erbaita.