Audre eaba wã ẽbẽrarã doba sentipanʉta | ¿Kʼãrẽta jarabʉ Daizeze Bedʼeabara maʉ̃ ʉ̃rʉ?

Ʉ̃kʉrʉ ẽbẽrarã naʉ̃ drʉa jõmaʉ̃nẽbema widisida doba sentibʉ kʼawuaita,a kimarenebema abaʉba jarasi doba sentibʉta.

• «Ẽbẽrarã badu pʉwʉrʉdebemata doba sentiseapanʉ akʉza badu ẽbẽrata krĩcha ẽã kʼãrẽ poagababʉta» (Chido Mpemba, Comisión de la Organización Mundial de la Salud sobre Conexión Social).

Edaʉde jaraseapanʉ yi zõrãrãtrʉ akʉza yi dobapanʉratrʉ, doba sentiseapanʉta. Mamina mawũã ẽ, yi juwa jidapanʉrata, warrarata, yi trajo bia erbʉta, maʉ̃rasida doba sentiseapanʉ. Ẽbẽrarãneba jĩga bʼaiba akʉza doba senti bʼaiba kayabiseabʉ dayi krĩchata akʉza dayi kakuata.

• «Doba krĩcha bʼaira audre kayirua daya aña krĩchabʉira. Ẽbẽrarã dobabʉra mejãcha kayaseabʉ, maʉ̃ba ewaride sigarriyo 15 dobʉ kĩrãkʼabʉ», (maʉ̃ta jarasi mediko Vivek Murthyba, director general Salud Pública de Estados Unidos).

¿Kʼãrẽta jarabʉ Daizeze Bedʼeabara maʉ̃ ʉ̃rʉ?

Dayirã parãnabara kãga ẽ dayirãra wuabemaraneba jĩga bamarẽãra. Daizezebara osi ẽbẽrarãta wuabemara ẽbẽrarãbawara sobia panamarẽã.

• Daizeze Bedʼeadebemata: «Jeowaba jarasi: ‹Yibia ẽ yumakẽrã doba bʼaira›» (Génesis 2:18).

Daizezebara kãgabʉ audre iyi neũdukʼawua bamarẽã. Iya jarabʉ iyira dayirã kʼawa bʼaita dayirãta zarea obʉbʉrʉ iyi kʼawa bʼaita (Santiago 4:8).

• Daizeze Bedʼeadebemata: «Sobiapanʉ Daizezedebema audre kʼawuakĩrãpanʉta, maʉ̃rata eda bʼai baera Daizeze Nokʼode» (Mateo 5:3).

Daizezebara kãgabʉ wuabemara ẽbẽrarãbawara iyaʼa yiwidʼidamarẽã. Mawũã obʉba audre sobiabibʉ.

• Daizeze Bedʼeadebemata: «Krĩchaidua mayirai kʼarebaita akʉza kãgaita, adewara nebia oita, idubʉraidua ãba yi jʉrepanʉta […]. Awuarabʉrʉ mayirai zarea diaidua» (Hebreos 10:24, 25).

Yibia zarea oita doba senti ẽ bʼaita, maʉ̃ ʉ̃rʉ audre kʼawuakĩrãbʉbʉrʉ akʉra artikulo «Soledad en la era de la comunicación».