Warrara abaʉba Daizeze Bedʼeata akʉbʉ, maʉ̃ oita zokʼabʉ Daizeze Bedʼea jw.org debemata, maparata akʉza dibujorata

WARRARABA WIDIPANɄTA

¿Mʉ̃ra sãwũã kʼarebaseabʉ Daizeze Bedʼeabara? Yi ũmenebemata: Kʼawuara audre lekĩrã leita

Warrara abaʉba yi trʉ̃ Willba jarabʉ: «Bʉa kʼawua ẽ bʉrʉ Daizeze Bedʼea sãwũã leita maʉ̃ba bʉra masenseabʉ».

Bʉara kʼawuakĩrãbʉka Daizeze Bedʼea akʉbʉrʉdera kʼãrẽba akʉkĩrã akʉita. Naʉ̃ artikuloba maʉ̃ta jaradiayi bʉaʼa.

Daizeze Bedʼea akʉbʉrʉde krĩchara bʉra mama edabʉta

Maʉ̃ oita ora naʉ̃ta:

Krĩchara Daizeze Bedʼeadebema saʉ̃ nebʉra ʉ̃rʉ kʼawuakĩrãbʉta. Bari jaraita akʉseabʉ Daizeze Bedʼeade nebʉra edabʉ ʉ̃rʉ, ebangeliora ʉ̃rʉ akʉza Daizeze Bedʼeara dramanebʉ ʉ̃rʉ, maʉ̃ra jw.org de edabʉ.
Akʉra nekʼãrẽ nebʉra abʉta. Bʉyidobaʉba akʉseabʉ, mawũã ẽ bʉrʉ nemi jĩgua bʉ mebẽrãbawaraʉba akʉseabʉ, mawũã ẽ bʉrʉ bʉ neũdukʼawuaʉ̃meba, aba abakaʉba leseabʉ ẽbẽrarã eda kʼãrẽ berabarinʉmʉta.
Krĩchara naʉ̃nebema saʉ̃ta oseabʉta:
- Bʉa lebʉeda dibʉjota oseabʉ kʼãrẽ berabarinʉmʉ kʼawuaita, mõbe wiña bʉra eda kʼãrẽ berabarinʉmʉ ʉ̃rʉ.
- Ẽbẽra biabada ʉ̃rʉ akʉbʉrʉde, jõma ãba zebira iya nekʼãrẽ obada ʉ̃rʉ akʉza kʼãrẽ nebia ũduda ʉ̃rʉ iyi ẽbẽra biabada kʼarea.
- Ẽbẽra nebʉrabʉ ʉ̃rʉ lebʉrʉde krĩchara iyiʉ̃me bedeanʉmʉta akʉza krĩchara bʉa kʼãrẽ bedʼeata widikĩrãbʉta.
- Krĩchara ẽbẽra abaʉba iya aña oibadata aripe osibʉrʉ, ¿kʼãrẽta berabarikasi? Bari jaradaita krĩchara Pedrota iya Jesu ũduadua aside (Marcos 14:66-72). ¿Maʉ̃ ewaridera Pedrobara kʼãrẽta oseabasi?
- Bʉa oseabʉbʉrʉ Daizeze Bedʼea akʉda tẽã bʉseabʉ bʉmabʉta (Romanos 15:4).
  
  Daizeze Bedʼea akʉbʉrʉde krĩchaseabʉ maʉ̃ne edabʉta.

Audre kʼawuara maʉ̃ ʉ̃rʉ

Bʉa lebʉ ʉ̃rʉ mejãcha jʉrʉbʉbʉrʉ, mawũãra nebiata mejãcha ũduseabʉ. Edaʉde bedʼea abaʉdeba nekʼãrẽ mejãcha kʼawuaseabʉ.

Bari jaradaita akʉra kʼãrẽne abarikabʉta Mateo 28:7 Marcos 16:7ʉ̃me.

¿Kʼãrẽa Marcosbara bʉsi Jesura yi ũdubibasita iyi kʼaidupanʉra akʉza «Pedroʼa»?
Wiña kʼawuabibʉta: Marcosʼra maʉ̃ ewaridera neẽbasi, Pedroba jarasibaibara maʉ̃ra.
Nekʼãrẽ biabʉta Daizeze Bedʼeadebemata: ¿Kʼãrẽa Pedrora aduʼa sentisi iya kʼawuaside Jesuba iyi jẽda ũdukĩrãbasita? (Marcos 14:66-72). ¿Jesubara sãwũã ũdubisi Pedroara wãrĩnu iyi neũdukʼawuarabasita? ¿Bʉta neũdukʼawua bia bakĩrãbʉbʉrʉ sãwũã Jesuba obada kĩrãkʼa oseabʉ?

Bʉa Daizeze Bedʼeara audre akʉkĩrã akʉyi bʉa jʉrʉbʉbʉrʉ bʉa Daizeze Bedʼea akʉ wãbʉrʉza akʉza mama edabʉta krĩchabʉbʉrʉ.

Ʉ̃kʉrʉ warraraba jarapanʉta

«Edaʉde mʉ̃a kapitulo aba jidabʉ, maʉ̃ta akʉda ʉ̃rʉ akʉbʉ, mʉ̃a bia ũrĩñena. Maʉ̃ obʉrʉde mʉ̃a kʼawũã ẽ baibadata audre kʼawua wã, maʉ̃ba mʉ̃ra mejãcha sobiabʉ» (Bonnie).

«Mʉ̃a kʼawuasi Watchtower Library de Rut ʉ̃rʉ akʉza maʉ̃ba mʉ̃ra mejãcha kʼarebasi. Mʉ̃a kãgabʉ ẽbẽrarã jõmaʉ̃ba Watchtower Library ta akʉdamarẽã, mawũã audre kʼawuaita. Maʉ̃ba mʉ̃ra kʼarebasi Daizeze Bedʼea lekĩrã leita» (Timothy).

«Mʉ̃ara Daizeze Bedʼeara akʉkĩrã neũdukʼawuara biobawaraʉba mawũã aba abakaʉba leseabʉ ẽbẽrarã eda kʼãrẽ berabarinʉmʉta akʉza mʉ̃ara ũrĩkĩrã Daizeze Bedʼeadeba zedata nebʉrabʉ daya ũrĩta, maʉ̃ra edabʉ jw.org de, maʉ̃ba mʉ̃ra kʼarebabʉ sentita maʉ̃ ewaridebʉta» (Isabel).