KARTARARABɄ INTERNET'NE Watchtower
Watchtower
KARTARARABɄ INTERNET'NE
embera katio
  • DAIZEZE BED'EA
  • KARTARA
  • ÃBA YI JɄREBARI
  • lfb kapitulo 41 pag. 100-pag. 101 parr. 2
  • Davidta akʉza Saúlta

Bideo bʉa jʉrʉbʉra neẽ.

Naʉ̃ bideo ʉ̃tʉ ze ẽ.

  • Davidta akʉza Saúlta
  • Daizeze Bedʼeadeba mʉ̃a nekʼawuabʉta
  • Bedʼea abarikabʉta
  • Jesúsbara jidasi Saulota
    Daizeze Bedʼeadeba mʉ̃a nekʼawuabʉta
  • Kongregasionʼra wiña enaʉ̃bisida
    Widibʉ kʼawuaita Libro: Demos «un testimonio completo sobre el Reino de Dios»
Daizeze Bedʼeadeba mʉ̃a nekʼawuabʉta
lfb kapitulo 41 pag. 100-pag. 101 parr. 2
Davidʼra katumaneba jʉrabʉ Saúl gorogorora ta bʉidu

KAPITULO 41

Davidta akʉza Saúlta

Davidba Goliat beada tẽã Saúlbara jidasi iyi gorogorora nokʼo bamarẽã. Davidbara ãyi nejʉrarãra ãyi juwa edre baebibasi yõ wãbʉrʉza. Maʉ̃ kʼarea jõmaʉ̃ta iyi ʉ̃rʉ ibia bedʼeapanasida. David yõneba zebasidera wẽrãrãra trãpanasi akʉza jarapanasi: «Saúlbara mejãchaʉta iyi juwa edre baebisi, mamina Davidba audre baebisi». Saúlba maʉ̃ta ũrĩbasi baera mejãcha kĩrʉsi Davidʼʉ̃me.

Davidbara arpata zabasi. Ewari aba Davidbara arpata Saúlba ũrĩmarẽã zabʉde, Saúlbara miazʉta Davidma batasi. Mamina David eda keradrʉbʉrʉba maʉ̃ miazʉra jãpe deguesi. Tẽã Saúlbara jʉrʉsi Davidʼra sãwũã beaita, mawũã Davidʼra mĩrʉ wãsi drʉa ibʉawabʉeda.

Davidbara Saúl kãĩbʉeda, iyi miazʉta jidabʉ

Saúlbara Davidʼra kʼaidu pẽwã wãsi iyi gorogorora 3.000 bawaraʉba. Ewari aba Saúlʼra mõgara zobeade mĩrʉsi, mamina iyara kʼawua ẽ basi Davidta iyi gorogororabawara mama mĩrʉbadara. David gorogororabara chupea jarasida Davidʼa: «Idibʉrʉ bʉa beaseabʉ Saúlʼra». Davidbara Saúl wuata wiña kõẽtasi, Saúlba kʼawua ẽ nãã. Mamina Davidʼra mejãcha krĩcha zroma ototosi, wawiata ũdubi ẽ basi baera Jeowaba nokʼo jidadata. Davidbara iduaribi ẽ basi yi gorogororaba Saúlta neida omarẽã. Saúl mõgara zobeadeba ãĩ wãsidera Davidba Saúlʼa jarasi: «Mʉ̃a bʉra beaseabasimina bea ẽ basi». ¿Bʉmara Davidba oda kʼareara Saúlbara bia edasika?

Bia eda ẽ basi. Awuarabʉrʉ Saúlbara audre pẽwãsi Davidʼra. Ewari aba diamasi Davidta Abisáiʉ̃mera Saúl akʉza iyi gorogorora tabʉidu wãsi. Jõmaʉ̃ta kʼãĩpanasi akʉza Abnersida, iyara ewariza Saúlta akʉbasi. Abisáiba jarasi Davidʼa: «¡Naʉ̃nebʉrʉ beaseapanʉ! Mʉ̃aʼa iduaribira beaita». Mamina Davidba jarasi: «Iduaribira Jeowaba kʼawua omarẽã. Jidara iyi miazʉta akʉza iyi jarra zaketa, mõbe wãna».

Maʉ̃ diamasi Davidʼra wãsi katumaena, mama ʉ̃tʉbara jõma akʉseabasi Saúl chuadamae. Maʉ̃ne jʉrasi: «¡Abner! ¿Kʼãrẽa bia akʉ ẽ basi bʉa bʉ nokʼora? ¿Samachu iyi miazʉra akʉza iyi jarrata?». Saúlbara kʼawuaedasi Davidta bedʼeabʉta, mõbe jarasi: «Bʉa mʉ̃ra beaseabasi mamina oẽ basi. Idibʉrʉ kʼawuabʉrʉ mʉ̃arerabʉta nokʼo bʼaita Israelde». Aramaʉ̃ta Saúlʼra jẽda wãsi iyi deda. Saúl mebẽrã jõmaʉ̃ba jʉrapana ẽ basi Davidʼra.

«Oseapanʉbʉrʉ, marãba kʼãrẽ oseabʉta oidua jõmaʉ̃bawara neneẽãpanaita. Mʉ̃ nekãgara, abaʉba marata neida ora abarika oraidua, awuarabʉrʉ iduaribira Daizeze kĩrʉbiba kʼawua omarẽã» (Romanos 12:18, 19 TNM).

Widita: ¿Kʼãrẽa Saúlbara beakĩrãbasi Davidʼra? ¿Kʼãrẽa Davidbara Saúlʼra beakĩrã ẽ basi?

1 Samuel 16:14-23; 18:5-16; 19:9-12; 23:19-29; 24:1-15; 26:1-25.

    Librora joma Ẽbẽra bedʼeade (2004-2025)
    Ãĩ wãita
    Eda wãita
    • embera katio
    • Dedekai
    • Mʉ̃a kãgata
    • Copyright © 2025 Watch Tower Bible and Tract Society of Pennsylvania
    • Kartadebʉ Sãwũã Zok'aita
    • Neida bʉkʉabe ẽ eda
    • Configuración de privacidad
    • JW.ORG
    • Eda wãita
    Dedekai