Juwa jidapanʉrãra sãwũã audre zarea baseapanʉ

Abrahán akʉza Saraʉ̃mera wãrĩnu yi kãgapanʉta ũdubipanasi akʉza yi wawiapanʉta (Gé 12:11-13; 1Pe 3:6). Mamina ãyira kayirua omia baera edaʉde bedʼea zroma erpanasi. ¿Yi juwa jidapanʉrabara kʼãrẽta kʼawuapanʉ Abrahán Saraʉ̃menebara?

Bedʼeapanaira audre yibia. Zarea ora ibiade panʉita bʉ kimata bʉa kĩrʉ bedʼeabʉbʉrʉ akʉza imitia bedʼeabʉbʉrʉ (Gé 16:5, 6). Ewari jʉrʉda ãba bedʼeapanaita. Bʉ sãwũã bedʼeabʉdeba akʉza bʉa obʉdeba ũdubira wãrĩnu yi kãgabʉta. Yi juwa jidapanʉraita audre yibia Jeowata nãã bʉeita: estudiabʉde, yiwidʼibʉde akʉza Jeowa ode ãbapanʉne (Ec 4:12). Yi juwa jidapanʉ kʼẽrẽpapanʉrabara ibia bedʼeabibʉ Jeowa ʉ̃rʉ, iya parãna baera juwa jidaira.

BIDEO SÃWŨÃ ZAREA BʼAIBARA JUWA JIDAPANɄRÃRA ŨDUBIDA TẼÃ, PANɄRA NAɄ̃ WIDITA:

• ¿Kʼãrẽba ũdubibʉ Shaan akʉza Kiaraʉ̃mera nããbada kĩrãkʼa pana ẽ basita?

• ¿Kʼãrẽa yibia yi juwa jidapanʉrãra ãba yi bedʼeapanaita kʼãrẽ mera ẽã?

• ¿Shaanra akʉza Kiaraʉ̃mera sãwũã kʼarebasi Abrahán akʉza Sara yizaʉ̃mebara?

• ¿Kʼãrẽta osi Shaanra akʉza Kiaraʉ̃mebara ãyi juwa jidada zarea erpanaita?

• ¿Kʼãrẽa yi juwa jidapanʉrabara jʉ̃ã ẽ baibara jõma bia wãita?