BʼAITA KRISTIANORA KĨRÃKʼA
Ʉrʉmabaibara naʉ̃ «ewari jõbodoarera»
Naʉ̃ ewari kʼãwũã jõbodoarebʉdera jʉ̃ãpanʉ naʉ̃ drʉara audre mitia wãita (2Ti 3:1; Mt 24:8). Naʉ̃ drʉade kʼãwũã bedʼea zroma ũdupanʉba Jeowa pʉwʉrʉrabara biga diapanʉ jaradiabʉ baera kʼãrẽta oibarata maʉ̃ zei nãã, maʉ̃ba kʼarebabʉ ẽbẽrarãta bei ẽ marẽã. Dayirãbara kʼãwũãena ũrĩpanʉbʉrʉ bei ẽ bayi, maʉ̃ba ũrĩbara dayirã jarapanʉra Jeowa kʼawa bʼaita akʉza dayi bebʉ bia erbaita nekʼãrẽ mitia drʉade berabaribʉrʉde (Lu 16:10).
Nekʼãrẽ Jeowade oita ʉrʉmabaibara. Daizeze Bedʼeara ewariza akʉ bʼaibara. Kĩrã bio kʼawuara sãwũã Daizeze bedʼea jaradiaita. Perarãra bʉta wuabemara kongregasioneba jĩgabʉbʉrʉ (Isa 30:15). Bʉra jĩgabʉ ẽ Jeowadeba akʉza Jesudeba (od-S 175, 176 parr. 15-17).
Dayi bebʉ bia erbaibara. Bolsota nekʼãrẽbara erbaibara waña wãita, adewara mera erbaibara baniata, yikota, remediorata akʉza nekʼãrẽ daya nesidabʉta ewario bio meraibʉsida (Pr 22:3; g17.5-S 4, 6).
BIDEO ¿BɄARA KʼÃRẼTA OI NEKʼÃRẼ MITIA DRɄADE BERABARIBɄTA ZERA? ŨDUBIDA TẼÃ, PANɄRA NAɄ̃ WIDITA:
Nekʼãrẽ mitia drʉade berabaribʉ kʼarea, ¿sãwũã ʉrʉma baseabʉ?
¿Kʼãrẽa audre yibia
zõrãrãbawara bedʼea bʼaita nekʼãrẽ mitia berabari nãã akʉza maʉ̃ tẽãbida?
bolsota nekʼãrẽbara erbaibara waña wãita?
bedʼeaita nekʼãrẽ mitia drʉade berabaribʉ ʉ̃rʉ akʉza kʼãrẽta oibarata maʉ̃ta mawũã berabarira?
Wuabemara nekʼãrẽ mitia drʉade berabaribʉrʉde, ¿kʼãrẽ obʉ ũbeaʉba kʼarebaseabʉ?
BɄYIKɄZA WIDIRA: «¿Kʼãrẽta kʼawuapanʉ ʉrʉma bʼaita, maʉ̃ COVID-19 kʼarea?».