Septiembrede jaradiadayi ẽbẽrarãba Daizeze Bedʼeata kʼawua jʉ̃drʉdamarẽã

Septiembrede zarea odayi Daizeze bedʼea jaradiaita karta, Bʉra ewari jõmaʉ̃nẽ sobia baseabʉdeba. Maʉ̃ jedekodera yi nãã edebari 30 ora oseabʉ. ¿Maʉ̃ra sãwũã jaradia wãnai?

• Nããra bedʼea jʉ̃drʉbʉrʉde. Ẽbẽrarãba audre kʼawuakĩrãmarẽã zokʼara karta Bʉra ewari jõmaʉ̃nẽ sobia baseabʉ ãbʉdearebemata akʉza ũdubira dayirãba sãwũã Daizeze bedʼea jaradiapanʉ ʉ̃rʉ. Kĩrãduarãra jẽda akʉ wãita akʉza kĩrãduarãra ẽbẽrarã Daizeze bedʼea ũrĩkĩrãbʉ ũdubidapeadata. Ãya nãã kʼawuakĩrã ẽ basimina mamina atiara kãgaseabʉ karta yiwidi akʉza sãwũã jaradiabʉta. Kartara amae ẽ deda miõ neẽmaera akʉza kartadebida dia bʉekara yi ũrĩkĩrã ẽ badara. Mebẽrã jaradia wãbari kongregasionebemaba maʉ̃ jedekode sãwũã jaradiaita ara oyi.

• Awuru ewaride. Bʉ kongregasione esibidorde jaradiabʉbʉrʉ, ẽbẽrarã ũdubidayi karta Bʉra ewari jõmaʉ̃nẽ sobia baseabʉta. Ẽbẽra abaʉba maʉ̃ karta ʉ̃rʉ audre kʼawuabʉta ũdubira, jara ũrĩbira sãwũã audre kʼawuaseabʉta bari Daizeze bedʼea ʉ̃rʉ. Wiña jara ũrĩbiseabʉ, dayirãba sãwũã jaradiabʉta Daizeze bedʼea ʉ̃rʉ mawũã ẽ bʉrʉ tẽã jʉ̃nea jara ũrĩbiseabʉ. Zõrãrã jaradiai akʉbariba jaraseabʉ mebẽrãra biʼia jaradiabʉa ne nẽdobarimae wãmarẽã, Daizeze bedʼea jaradiaita. Bʉ kopaero trajodebemata mawũã ẽ bʉrʉ awuru ẽbẽrarãta jaradiaseabʉ Daizeze bedʼea ʉ̃rʉ.

Jesuba jarasi ẽbẽrarã jaradiadamarẽã akʉza buru kʼoedamarẽã (Mt 28:19, 20). Kãgapanʉ Daizeze bedʼea jaradiabʉrʉde karta Bʉra ewari jõmaʉ̃nẽ sobia baseabʉdeba, ẽbẽrarãta kʼarebamarẽã.