YI 5

Aripe leita

YI 1 Timoteo 4:13

JARAKĨRÃBɄ: Aripe nemi jĩgʉa lera.

Oi naweda mejãcha lera. Nããra jʉrʉda kʼãrẽa bʉsidata maʉ̃ bedʼeara. Izʉgʉa lerãra awuarabʉrʉ bia lera. Zarea ora letrara jõma aripe leita akʉza biʼia akʉra awuru bedʼea jara ẽ baita. Bʉa lenʉmʉne bia akʉra komata (,), puntota (.), signo interrogasionta (?), mawũã aripe omarẽã.

Bʉa lenʉmʉne widira bʉ neũdukʼawua bʉa sãwũã lesita akʉza jaramarẽã sama aña lesita.
Bʉa lenʉmʉnera bedʼeata jõma aripe lera. Bʉa kʼawua ẽ bʉrʉ sãwũã jaraita, ũrĩra audio grawamata mawũã ẽ bʉrʉ kʼarebata widira yi audre le kʼawuabʉaʼa.
Biʼia bedʼeara. Jipa edaʉnʉmepe bedʼeara, adewara bʉ ira biʼia ewara. Zarea ora bedʼea aba abaka biʼia leita.

Aukʼara lerãra, maʉ̃ta obʉbʉrʉ biʼia ũrĩ ẽ bai baera.