BʼAITA KRISTIANORA KĨRÃKʼA

¿Kʼawuabʉka kʼãrẽta oita bʉa nesidabʉ ũduita neẽãnera?

Aukʼara krĩchada ẽ baibara naʉ̃ drʉade zarebʉrʉ dayirãba nesidabʉ ũduita, ¿kʼãrẽa? Dayirãra naʉ̃ ewari jõbodoarepanʉ baera akʉza Daizeze Bedʼeaba jarabʉ jʉra kʼawuapanamarẽã naʉ̃ drʉaba nebia diabʉ ʉ̃rʉ ĩjãna ẽ baita (1Ti 6:17; 2Ti 3:1). Dayirãita zareabʉrʉ nekʼãrẽ daya nesidabʉ ũduita, ¿kʼãrẽta kʼawuapanʉ Jehosafat yizadebara?

Nejʉraraba Jehosafat pʉwʉrʉta beadaita zeside, iyira Jeowaʼa yiwidʼisi kʼarebamarẽã (2Cr 20:9-12). Maʉ̃ karea iyara Jerusalén murora ara biʼia osi akʉza audre ũdusi kʼãrẽba yõita (2Cr 17:1, 2, 12, 13). Dayirãsida Jehosafat kĩrãkʼa zarea opanʉ audre Jeowa ĩjãita, adewara nekʼãrẽ opanʉ kʼawuaita kʼãrẽ oita bedʼea zroma zebʉrʉde, mawũã awuantadaita.

¿KʼÃRẼTA OIBARA ZAREBɄRɄ DAYIRÃBA NESIDABɄ ŨDUITA?

Zarea ora audre Jeowa kʼawa bʼaita: Biga diara Jeowaʼa bʉa erbʉ kʼarea, adewara ĩjãra Jeowabara bʉaʼa ewariza diaita bʉa nesidabʉra (Mt 6:26; 1Ti 6:8). Idubʉrãra Jeowaba zokʼabʉ oita bʉa nekʼãrẽ nesidabʉ ũdui kʼarea (Ro 2:21). Krĩchara sãwũã Daizeze Bedʼea le bʼaita adewara dayirã kartarata, internetʼta akʉza enerjiata neẽbʉrʉ. Dayirã kartarãra juwade erbaibara, adewara ʉ̃tʉ zebibara dayirã kartarãra selularde, tablede mawũã ẽ bʉrʉ komputadorde.

Nekʼãrẽ bia bʉa nesidabʉtrʉ erbara: Debeta orãra akʉza nekʼãrẽ bʉa nesida ẽãta edarãra (Pr 22:7). Yikota akʉza bʉa nekʼãrẽ nesidabʉta wuagaseabʉbʉrʉ wuagara. Plata mejãcha gasta ẽ baita ʉ̃kʉrʉ ẽbẽrabara krĩchabʉ ne uita.

BIDEO ¿BɄARA KʼÃRẼTA OI NEKʼÃRẼ MITIA BERABARIBɄTA ZERA? ŨDUBIDA TẼÃ, PANɄRA NAɄ̃ WIDITA:

Bideo potora «¿Bʉara kʼãrẽta oi nekʼãrẽ mitia berabaribʉta zera?». Potoraba ũdubibʉ Daizeze Bedʼeata, bolsota, selularta akʉza ẽbẽrarã trajapanʉrata.

¿Dayirã aba abakaʉba kʼãrẽta oibara jʉra kʼawua bʼaita drʉade neida berabarira?

textarea-1

Bideo potora «¿Bʉara kʼãrẽta oi nekʼãrẽ mitia berabaribʉta zera?». Mebẽrãrãba kʼarebapanʉ de opanʉne akʉza karrudeba nekʼãrẽ uda baebipanʉne.

¿Kʼãrẽta oibara kʼawuaita wuabema ẽbẽrarã sãwũã kʼarebaita?

textarea-2