BʼAITA KRISTIANORA KĨRÃKʼA
Jeowa ʉ̃rʉ ĩjãra dayi bia edada ẽãne
Ẽbẽra dayirã bia eda ẽãbara edaʉde pobʉ akʉza bedʼeaba sopʉabiseabʉ. Adewara maʉ̃ra ẽbẽrabara dayirãta dauperaseabʉ mawũã Jeowadeba jĩga bamarẽã.
Jeowa ʉ̃rʉ Kʼawuabipanʉrã mejãchaʉba awuantapanʉ ãyi bia edada ẽãne Jeowata wãrĩnu ĩjãpanʉ baera (Sl 18:17). Bari jaraita, Esterba jarasi kʼãrẽ nemitiata okĩrãbasita Hamánba (Est 7:1-6). Maʉ̃ oi nãã Esterʼra neko ẽ basi Jeowa ʉ̃rʉ ĩjãbʉ ũdubita (Est 4:14-16). Mawũã oda kʼarea Jeowaba kʼarebasi Esterta akʉza iyi pʉwʉrʉta.
Ẽbẽra kayiruaba bʉta zʉbʉriabibʉbʉrʉ, Jeowaʼa kʼareba widira akʉza bʉ bedʼea zromara jarada bʉ nããbema mawũã ẽ bʉrʉ bʉ yibarira. Bʉra Jeowabara kʼarebaseabʉ Ester kʼarebada kĩrãkʼa. Adewara ¿kʼãrẽta oseabʉ awuantaita ẽbẽraba bia edada ẽãne?
BIDEO BɄ WARRARABɄDE: ¿KʼÃRẼTA OSEABɄ MɄ̃TA BIA EDADA Ẽ BɄRɄ? ŨDUBIDA TẼÃ, PANɄRA NAɄ̃ WIDITA:
¿Warrarabara kʼãrẽta kʼawuaseapanʉ Charlie akʉza Ferinʼneba?
¿Yibaribara kʼãrẽta kʼawuaseapanʉ Charlie akʉza Ferinba jaradadeba wũãwũãra sãwũã kʼarebai ʉ̃rʉ?