BʼAITA KRISTIANORA KĨRÃKʼA
Yibarira: Kʼarebara mara wũãwũãrãra Daizezedeba buru bia zebʉta erbamarẽã
Yibarirabara kʼarebaseabʉ ãyi wũãwũãraba bia ũrĩnamarẽã ãba yi jʉrebarimae. Warraraba akʉbʉdeba akʉza juwa wua kʼãrãpe bedʼeabʉde ãba yi jʉrebarimae, maʉ̃ba kʼarebaseabʉ Jeowa kʼawa bʼaita akʉza audre iyi neũdukʼawua bʼaita (Dt 31:12, 13). Marata wũãwũãra barabʉbʉrʉ, ¿sãwũã kʼarebaseabʉ mara wũãwũãraba audre ũrĩnamarẽã ãba yi jʉrebʉrʉde?
Zarea oibara wãita ãba yi jʉrebarieda (Sl 22:22).
Ewariza jʉrʉda bedʼeaita ãba yi jʉrebarieda wãbʉrʉde, nãã bedʼeaita akʉza maʉ̃ tẽãbida (Heb 10:25).
Akʉra bʉ mebẽrã aba abakaʉba erbʉ kʼawuaita kartara ãba yi jʉrebaride akʉbarirata.
Kʼarebara bʉ wũãwũãra komentario diabʉrʉde iyi bedʼeade jaramarẽã (Mt 21:15, 16).
Bia bedʼeara ãba yi jʉrepanʉ ʉ̃rʉ akʉza maʉ̃ne nekʼãrẽ kʼawuapanʉ ʉ̃rʉ.
Kʼarebara bʉ wũãwũãrabida ãba yi jʉrebarimae de imamarẽã akʉza kʼarebara mebẽrã ãyi nããbʉbawara bedʼeamarẽã.
Edaʉde mejãcha zarea oibara kʼarebaita mara wũãwũãra Jeowa kʼawa bamarẽã maʉ̃ oita zareamina. Mamina kĩrãbera Jeowaba bʉra kʼarebaseabʉta (Is 40:29).
BIDEO YIBARIRA, ĨJÃDUA JEOWABA MARA ZAREA DIAITA ŨDUBIDA TẼÃ, PANɄRA NAɄ̃ WIDITA:
¿Kʼãrẽba mejãcha krĩcha zroma obisi Miguel akʉza Lidiaʉ̃mera?
¿Kʼãrẽa yibarirabara jʉrʉibara Jeowa kʼarebata?
¿Sãwũã Jeowa ʉ̃rʉ ĩjãbʉta ũdubisida Miguel akʉza Lidiaʼʉ̃mebara ãyi bia wãita?