YI 12
Pablo sobrinora peraẽbasi
Mʉa jaraya kũraba Pablo bebʉ kʼarebadata. Kʼawuadaẽ kʼaibasita yi trʉ̃ra, mamina kʼawuapanʉ Pablo sobrinobasi. Iyira peraẽbasi. ¿Kãgabʉka jaradiamarẽã iya kʼãrẽta osita?...
Pablora karselde edabasi Jerusalenne. Iyira jida edesida ẽbẽrarã jaradiabʉ kʼãrẽa Jesu ʉ̃rʉ. Mamina basi ẽbẽrarã Pablo jʉrapanʉta akʉza maʉ̃rabara krĩchasida kayirua odaita. Maʉ̃ kʼãrẽa wãkĩrãpanasi jarade korogoro nokʼoma, zokʼabʉera Pablora bʉ korogororabawara juesma. Ãyira mirunaibasi ode Pablo berabaribʉrʉde beadaita.
Pablo sobrinobara naara jarasi yi yãbaʼa maʉ̃are korogorora nokʼoʼa
Mamina Pablo sobrinoba ũrĩsi maʉ̃ ʉ̃rʉ. Mawũẽra ¿Kʼãrẽta oibasi iyira? aramaʉ̃ta wãsi jarade yi yãbaʼa, aramaʉ̃ta Pabloba jarasi, mesera wãra korogorora nokʼoma mõbe jõma jarada. Maʉ̃ jaraira zarebasi, maʉ̃ra korogorora nokʼobasibaera. Mamina ¿Peraẽbasika Pablo sobrinora maʉ̃me bedʼeaira?... Iyira peraẽbasi jõma jarasi.
Korogoro nokʼobara ũrĩsi maʉ̃ra. Maʉ̃ kʼãrẽa Pablora merabʉesi pʉwʉrʉ Sesarea eda. Maʉ̃ kʼãrẽa Pablora kopaya diabʉesi kiniento korogorora. Jarasi, edeidua naʉ̃ diamasi, mawũẽra ¿Ẽdrusika Pablora o ẽbẽra kayiruaba beasida? ¿Bʉmara?... Ẽbẽra kayiruarabara beabedaẽbasi.
¿Kʼãrẽta kʼawuabʉda Pablo sobrinonebara?... Bʉsida Pablo sobrino kĩrãkʼa peraẽãbaseabʉ. Dayirãra peraẽbaibara Jeowa ʉ̃rʉ jaradiabʉdade ẽbẽrarã. ¿Peraẽ jaradiabaika Jeowa ʉ̃rʉ? mawũã ora kʼarebayi awuru ẽbẽrata.