Kʼawuara ẽbẽraba krĩchabʉta

Testo: «Kãga ũdubibʉbara [. . .] iyitrʉ jʉ̃zaba krĩcha ẽ» (1 Cor. 13:4, 5).

Jesuba odata

BIDEO: Jesuta yuwẽrãʉ̃me bedʼeabʉ pozode

1. Akʉra BIDEOTA, mawũã ẽ bʉrʉ akʉra Juan 4:6-9 bayeda. Mõbe naʉ̃ta panʉra:

¿Jesubara kʼãrẽta nããra krĩchasi ẽbẽra wẽrãʼa nejaradiai nawedara?
Jesuba jarasi: «Diara bania doita». ¿Kʼãrẽa yibiabasi maʉ̃neba nebʉra jʉ̃drʉira?

2. Dayirãba jaradiapanʉbʉrʉ ẽbẽrarãba kʼawuakĩrãbʉ ʉ̃rʉ, mawũãra audre ũrĩkĩrãnañi.

3. Kʼawuara kʼãrẽ ʉ̃rʉ bedʼeaita. Bʉa kãgabʉa awa jararãra awuarabʉrʉ krĩchara bedʼeaita wuabemaraba kʼawuakĩrãbʉ ʉ̃rʉ. Krĩchara naʉ̃ ʉ̃rʉ:

‹¿Kʼãrẽta berabarinʉmʉ atiara?›.
‹¿Kʼãrẽ ʉ̃rʉ bedʼeapanʉ ẽbẽrarã mʉ̃ trajodebemara, mʉ̃ kolegiodebemara akʉza mʉ̃ kʼawabʉrãra?›.

4. Kĩrãkita akʉra. Krĩchara naʉ̃ta:

‹¿Kʼãrẽta onʉmʉ kaʉ̃ ẽbẽrabara? ¿kʼãrẽta krĩchanʉmʉba?›.
‹¿Sãwũã wua jʉ̃bʉ? ¿Sãwũãbʉ iyira? ¿Samabemaba? ¿Sãwũãchu iyi dera? ¿Kʼãrẽ ʉ̃rʉ ĩjãbʉba?›.
‹¿Atiara iyiʉ̃me bedʼeasebʉka?›.

5. Ũrĩra.