BEDʼEA JɄ̃DRɄRA
Juan 9:1-7 bayeda
YI 3
Nebiata ora
Testo: «Kãga ʉ̃dubibʉbara [. . .] krĩchabʉ awuru bia oita» (1 Cor. 13:4).
Jesuba odata
1. Akʉra BIDEOTA, mawũã ẽ bʉrʉ akʉra Juan 9:1-7 bayeda. Mõbe naʉ̃ta panʉra:
¿Jesubara nããra bebisika dauberreabʉra mawũã ẽ bʉrʉ jaradiasika Daizeze Bedʼea ʉ̃rʉ? (Akʉra Juan 9:35-38 bayeda).
¿Kʼãrẽa ũrĩkĩrãne ũrĩsi dauberreabadabara Jesu bedʼeara?
¿Kʼãrẽta kʼawuapanʉ Jesuba odadeba?
2. Ẽbẽrabara ũrĩkĩrãne ũrĩñi dayi bedʼeara iyaʼa wãrĩnu kãgata ũdubibʉbʉrʉ.
Jesude kĩrãkʼa ora
3. Krĩchara wuabemarata. Krĩchara ẽbẽrarã sãwũã sentibʉta.
Bʉyikʉza widira: ‹¿Kʼãrẽ kʼarea krĩcha obʉba kaʉ̃ ẽbẽrarã? ¿Iyara kʼãrẽta kãgabʉba?›. Maʉ̃ta krĩchabʉbʉrʉ wãrĩnu soiduba kʼarebakĩrãne kʼarebayi.
Ẽbẽraba bʉaʼa jarabʉbʉrʉ iyi sãwũã zʉbʉrianʉmʉta akʉza kʼãrẽ kʼarea krĩcha onʉmʉta, ũrĩra iyi bedʼeara akʉza ũdubira bʉsida krĩcha obʉta iyi bedʼea zroma kʼarea, awuru bedʼea jarai kaude.
4. Ibiade bedʼeara kʼẽrẽpa. Bʉa ẽbẽrata wãrĩnu kʼarebakĩrãbʉbʉrʉ, bʉ sãwũã bedʼeabʉdeba ũdubiyi wãrĩnu kʼarebakĩrãbʉta. Biʼia krĩchara kʼãrẽ jaraita akʉza sãwũã jaraita iyi sopʉabi ẽ baita.
5. Zokea bara. Krĩchara ẽbẽra sãwũã kʼarebaita iya nesidabʉde. Bʉa maʉ̃ta mawũã obʉbʉrʉ ẽbẽrarãra audre bedʼeakĩrãñi dayirãbawara.