Akʉra wuabemara sãwũã sentibʉta

Jesuba odata

BIDEO: Jesubara sozʉbʉria akʉsi ẽbẽrarãra

1. Akʉra BIDEOTA, mawũã ẽ bʉrʉ akʉra Marcos 6:​30-34 bayeda. Mõbe naʉ̃ta panʉra:

1. ¿Kʼãrẽ kʼarea Jesura akʉza iyi kʼaidupanʉrabawara bakĩrãbasi mio neẽ mae?

2. ¿Kʼãrẽ kʼarea jaradiakĩrãbasi Jesubara ẽbẽrarãra?

¿Kʼãrẽta kʼawuapanʉ Jesuba odadeba?

2. Dayirãbara Daizeze Bedʼea awa jaradiapanʉ ẽ ẽbẽrarãra, awuarabʉrʉ wãrĩnu akʉpanʉ ãyi sãwũã sentipanʉta.

Jesude kĩrãkʼa ora

3. Kĩrãkita ũrĩra. Ẽbẽraba jarara sãwũã sentibʉta akʉza kʼãrẽ bedʼea zroma erbʉta, kĩrãkita ũrĩra. Eda bedʼeatotorãra mia ũrĩamarãra iya bʉa jarabʉde kʼãrẽ sãwũã berabarinʉmʉta, kʼãrẽ krĩchabʉta akʉza kʼãrẽ kʼarea ĩjã ẽãta. Bʉa iyi bedʼea kĩrãkita ũrĩbʉ ũdubibʉdera ũdubibʉ wãrĩnu krĩchabʉta iyira.

4. Krĩchara maʉ̃ ẽbẽrata. Maʉ̃ ẽbẽraʉ̃me bedʼeada tẽã, bʉyikʉza widira:

1. ¿Kʼãrẽa nesidabʉ kaʉ̃ ẽbẽrabara wãrĩnu ʉ̃rʉ kʼawuaira?

2. ¿Sãwũã kʼarebaseabʉ Daizeze Bedʼea ʉ̃rʉ kʼawuaiba audre sobia bʼaita atia akʉza ʉ̃ra zeide?

5. Bedʼeara iyi kʼãrẽba kʼarebaseabʉ ʉ̃rʉ. Bʉa jaradiaseabʉbʉrʉ jara ũrĩbira kʼãrẽ kʼarea Daizeze Bedʼea kʼawuaira yibiata akʉza sãwũã kʼarebaseabʉta iyira.