¿Sãwũã estudiaita?

Trãbira dayirã organizasionebemata burude kʼawuara

«Mʉ̃ mejãcha sopʉabʉ ewaridera JW Broadcasting^® nebema trãbiba so zarea diabʉ» (Lorraine, Estados Unidos).

Kristianorabara ewari jõmaʉ̃nẽ Jeowaʼa yiwidʼita, zokʼapanʉ trãbirata (Col. 3:16). Bʉa maʉ̃ra trãbirata burude kʼawuabʉbʉrʉ, kʼarebayi bʉa Jeowaʼa sobiade trãmarẽã trãbi kartata neẽãne akʉza selularta.

• Biʼia lera yi trãbiba kʼãrẽta jarabʉta mawũã bia ũrĩta. Bʉa maʉ̃ra trãbira kĩrãbeira kʼawuaibara kʼãrẽ ʉ̃rʉ bedʼeabʉta. Naʉ̃ra trãbira letrara jw.org debʉ. Eda wãra Kartara abʉmae, maʉ̃are wãra Trãbi abʉmae.

• Yi trãbi letrata juwaba bʉra. Maʉ̃ta obʉbʉrʉ trãbirata burude kʼawuayi (Deut. 17:18).

• Nemi jĩgʉa trãra. Yi trãbita lera mõbe trãra.

• Akʉra bʉa kʼãrẽaba kʼawuabʉta. Zarea ora yi trãbi letrata jẽda kĩrãbeita yi kartade akʉ ẽã, tẽã letrata akʉra aripe jarasi kʼawuaita.