Awurura artikulora karta Jarakabʉdebemata
Jeowa ʉ̃rʉ Kʼawuabipanʉrã mejãchaʉba zokʼapanʉ JW Library® ãba yi jʉrabarima wãi naena estudiaita, adewara kãga artikulora aba abaka sãwũã ʉ̃tʉ zebʉta. Karta Jarakabʉdebʉ awuru artikulora ãba yi jʉrebarimae estudia ẽ mina, dayidobaʉba estudiaseabʉ deda. ¿Sãwũã maʉ̃ra artikulora ʉ̃rʉ estudiaseabʉ JW Library de?
Artikulo Karta Jarakabʉdebʉ edre ũduyi bedʼea «Otros artículos», maʉ̃ edre katʉra «Contenido de este número» abʉmae. «Naʉ̃ kartade akʉyi» abʉmae, jõma ũduyi Artikulo kʼawuaita arare ararebʉta, mama eda tõbariseabʉ awuru artikulo bʉa akʉkĩrãbʉta.
JW Library de «Lo nuevo» abʉmae ʉ̃tʉ zebiseabʉ karta Jarakabʉta bʉa akʉmarẽã. Ʉ̃tʉ zebibʉrʉde zarea ora jõma akʉita mama edabʉta.