¿Jesu beidaba sãwũã ẽdrʉbiseabʉ?

Nekayirua opanʉ, zʉbʉriapanʉ akʉza beipanʉ, Adán Evaʉ̃meba Daizeze bedʼeta ũrĩna ẽ basida baera.a Mamina Daizezeba iyi Warra Jesudeba ẽdrʉbisi nekayiruadeba akʉza beideba, maʉ̃ba bʉ dayirã bia bʼaita mamina, ¿kʼãrẽ ẽdrʉbira? Maʉ̃ba jarakĩrãbʉ, ẽbẽra aba bebʉdebʉta kʼareba ẽdrʉbita. Jesuba maʉ̃ne kĩrãkʼa osi iyi bebʉ diaside ẽbẽrarã ẽdrʉbita (akʉra Mateo 20:28). Jesura naʉ̃ drʉade ewari jõmaʉ̃nẽ baseabasi, mamina dayirãbari bei kʼarea mawũã oẽbasi, mawũã Adán Evaʉ̃meba ẽjũã kĩrãwãreã aduada jẽda ẽbẽrarã diaita. Adewara Jesuba ũdubisi iya yi Zeze Jeowaʉ̃meba kʼãrẽaba kãgabʉta dayirãra. Naʉ̃ne kʼawuadayi sãwũã audre kãga ũdubita Jesu beida kʼarea.

1. ¿Idi ewade Jesu beidaba sãwũã kʼarebabʉ dayirãra?

Dayirãra nekayirua omia baera opanʉ Jeowaba kãga ẽãta. Mamina dayirãba nemitia odata wãrĩnu wua oẽ baita zarea obʉbʉrʉ akʉza Jesudeba Jeowaʼa widibʉbʉrʉ kĩrãduamarẽã dayirã nemitia odata, jẽda iyi neũdukʼawua baseabʉ (1 Juan 2:1). Daizeze Bedʼeaba jarabʉ: «Kristora beima aba beisi dayirã nekayirua kʼarea wua bei ẽ baita, mawũã dayirã nemitia kĩrãduaita. Iyira ẽbẽra biabasi, nekayirua okabasi akʉza iyira zʉbʉriasi ẽbẽrarã nekayiruabari mawũã Daizeze neũdukʼawua bamarẽã» (1 Pedro 3:18).

2. ¿Ʉ̃ra zeide Jesu beidaba sãwũã kʼarebaseabʉ?

Jeowabara zokʼasi Jesuta dayirãbari beimarẽã mawũã «iyidebema ĩjãbʉra bei ẽ bamarẽã, awuarabʉrʉ ewari jõmaʉ̃nẽ bʼaita» (Juan 3:16). Jesu beidadeba Jeowabara jõma jõbiyi idi ewade zʉbʉria ũdupanʉra, Adán Evaʉ̃meba amaenata. Naʉ̃ba ũdubibʉ Jesu beida ʉ̃rʉ wãrĩnu ĩjãta erbʉbʉrʉ, ewari jõmaʉ̃nẽ baseabʉ ẽjũã kĩrãwãreãnẽ (Isaías 65:21-23).

AUDRE BIʼIA KʼAWUADADRɄ

3. Jesu beidaba ẽdrʉbibʉ nekayiruadeba akʉza beideba

BIDEO: ¿Kʼãrẽa beisi Jesura? (Yi 1) (2:01)

• ¿Kʼãrẽ nebiata aduasi Adánʼra Daizeze bedʼea ũrĩ ẽ badadeba?

Akʉra Romanos 5:12, mõbe naʉ̃ta panʉidua:

• Adánba nemitia kʼãwũã amaenaneba, ¿bʉ bebʉra sãwũãbʉ?

Akʉra Juan 3:16, mõbe naʉ̃ta panʉidua:

• ¿Kʼãrẽa zokʼasi Jeowabara iyi Warrara naʉ̃ drʉaeda?

1. Adánʼra nekayirua okabasi akʉza Daizeze bedʼea ũrĩ ẽ baside ẽbẽrarãta nekayiruabara amaesi.

2. Jesura nekayirua okabasi akʉza Daizeze bedʼeata ũrĩsi, maʉ̃ba ẽbẽrarãta ewari jõmaʉ̃nẽ baseabʉ akʉza kaya neẽã.

4. Jesu beidaba ẽbẽra jõmaʉ̃ta kʼarebaseabʉ

BIDEO: ¿Kʼãrẽa beisi Jesura? (Yi 2) (2:00)

• ¿Sãwũã ẽbẽra aba beidaba ẽbẽrarã mejãchaʉta kʼarebaseabʉ?

Akʉra 1 Timoteo 2:5, 6, mõbe naʉ̃ta panʉidua:

• Adánʼra nekayirua okabasi mamina nekayirua oside amaesi nekayiruata akʉza beita. Jesusida abarika nekayirua okabasi. Mamina, ¿kʼãrẽta osi «jõma ẽbẽrarã ẽdrʉbita»?

5. Jeowaba diasi Jesuta bʉ ẽdrʉbita

Jeowa neũdukʼawuarabara ẽdrʉbira ãyi aba abakaʉba nebia diada kĩrãkʼa akʉpanʉ. Yiza ʉ̃rʉ kʼawuadaita, akʉra Gálatas 2:20, mõbe naʉ̃ta panʉidua:

• Apostol Pablobara, ¿sãwũã nebia diada kĩrãkʼa ũdusi Jesuba ẽdrʉbida kʼareara?

Adán nekayirua oda tẽã jõma ẽbẽrarãta beibarita amaesi. Mamina Jeowabara yi Warrata zokʼasi dayirãbari beimarẽã, mawũã dayirã ewari jõmaʉ̃nẽ bʼaita.

Akʉra naʉ̃ra nejʉacha zakerata akʉza krĩchara Jeowara sãwũã sopʉasita iyi Warra zʉbʉrianʉmʉ ũduside. Akʉra Juan 19:1-7, 16-18, mõbe naʉ̃ta panʉidua:

• ¿Bʉra kʼãrẽta krĩchabʉ Jeowaba Jesumeba kʼãwũã oda kʼarea?

KĨRÃBEITA

Jesu beidaba Jeowabara dayirã nemitiata kĩrãduabʉ akʉza diasi ewari jõmaʉ̃nẽ bʼaita.

Panʉnadrʉ

• ¿Kʼãrẽa beisi Jesura?

• ¿Sãwũã Jesu beidadeba ẽbẽrarã mejãchaʉta ẽdrʉbisi?

• Bʉra, ¿sãwũã kʼarebaseabʉ Jesu beidabara?

JɄRɄDA AUDRE KʼAWUAITA

Kʼawuara kʼãrẽa jarapanʉta Jesu beidara dayirã ẽdrʉbibarita.

«¿Sãwũã Jesubara iyi beidadeba ẽbẽrarã mejãchaʉta ẽdrʉbisi?» (Artikulo jw.org)

Kʼawuara kʼãrẽta oibarata ewari jõmaʉ̃nẽ bʼaita.

«¿Jesubara dayirãra sãwũã ẽdrʉbibʉ?» (Artikulo jw.org)

¿Jeowabara dayirãba nekayirua zroma odara kĩrãduaseabʉka?

«Daizeze Bedʼea ʉ̃rʉ widipanʉta» (Jarakabʉ, 1ne mayode, 2013de)

Akʉra sãwũã kʼarebasita yumakẽrã yõmia badata Jesu beidaba.

«Wuara yõara yi edebi ẽ mʉ̃ra» (Artikulo jw.org)