DAIZEZE BEDʼEA Ʉ̃RɄ WIDIPANɄTA
¿Dayirã nekayirua obʉra kĩrãduaseapanʉka?
Zare ẽ Daizeze sobiabira
Daizeze Bedʼeabara jarabʉ dayirãra nekayirua omiata. Jõmaʉ̃ta nemitia opanʉ Adánʼneba zesi baera. Maʉ̃ kʼarea edaʉde nemitiata opanʉ akʉza tẽã maʉ̃ oda kʼarea sopʉabʉ. Jesúsʼra beisi dayirã nemitia obʉ kĩrãduaita. Jeowaba kʼãwũã iyi warra diadara arigʉ nebia zroma (akʉra Romanos 3:23, 24).
Ʉ̃kʉrʉba nemita mejãcha opanʉ maʉ̃ba ãyikʉza widipanʉ, ¿Daizezeba kʼãwũã nemitia odara kĩrãduabʉka? Mamina Daizeze Bedʼeabara jarabʉ: «Yi warra Jesu waba dayirã kayirua jõma sʉgʉbʉa» (1 Juan 1:7). Dayirãba kayirua obadata jipa iduaribira, Jeowaba jipa kĩrãduayi dayirãba kayirua zroma obaridasida (akʉra Isaías 1:18).
Daizezeba dayirãba nãã nemitia obada kĩrãduamarẽãra, ¿kʼãrẽta odaibara?
Dayirãba kãgapanʉbʉrʉ Jeowaba kĩrãduamarẽã daya nekayirua odata iyita nãã ũdukʼawuaibara adewara iya kʼãrẽta zokʼabʉta kʼawuadaibara (Juan 17:3). Jeowabara kĩrãduakĩrãbʉ ẽbẽra abaʉba nekayirua obadata wua oẽ bʉrʉ (akʉra Hechos 3:19).
Daizezeba dayirã omarẽã zokʼabʉra zare ẽ mina, iya kʼawuabʉ dayirãba ũrĩra zareata, nekayirua omia baera. Maʉ̃ kʼarea, ¿audre kʼawuakĩrãbʉka kʼãrẽta oibarata iya bia akʉmarẽã? (Akʉra Salmo 103:13, 14).