Yi ũmenebemata: Sãwũã bʼaibara kristianorãra

Daizeze Bedʼea kʼawuabʉde, bʉa kʼawasi Jeowaba kʼãrẽta kãgabʉta adewara kʼãrẽta oibarata iya jarabʉ bedʼeadebaita. Maʉ̃ kʼarea bʉa nããra obadara idubʉsi akʉza bʉ sãwũã badasida. Bʉara okĩrãbʉ Jeowaba jarabʉta maʉ̃ kʼarea iyi nezokʼabaseabʉ bedʼea biata jaradiaita.

Bʉa nama bedʼea widibʉba kʼarebayi bia kʼawua bʼaita Jeowaba kʼãrẽta kãgabʉta bʉa omarẽã. Akʉza iyi nezokʼa bʼaita. Adewara kʼarebayi kĩrãbeita kʼãrẽa bigata krĩcha bia erbaita akʉza Jeowa sobiabita (2 Cor. 1:12; 1 Tim. 1:19; 1 Ped. 3:16, 21).

Atiara bʉara okĩrãbʉ Jeowa nokʼoba jarabʉrʉta akʉza iyi organizasione bʼaita. Nama bedʼea widibʉba akʉza testo Daizeze Bedʼeadebema jarabʉdeba kʼarebayi bʉa bia kʼawuamarẽã kʼãrẽta jarakĩrãkʉta Daizeze juwa edre bʼaita bedʼea ũbeade: kongregasione, mebẽrãne akʉza nokʼora sãwũã akʉbʉde. Naʉ̃ba kʼarebayi bʉa biʼia akʉita Jeowaba sãwũã kʼarebabʉta iyi pʉwʉrʉra krĩcha bia jidaita akʉza kʼẽrẽpa bʼaita. Adewara kʼarebayi wãbaita ãba yi jʉrebarima akʉza mama nebia obaita.

Naʉ̃nera ũdubiyi kʼãrẽa bigata jedekoza jaradiade wãbaita adewara ẽbẽrara jaradiaita Daizezeba kʼãrẽ onʉmʉta ãyi kʼarea (Mat. 24:14; 28:19, 20). Akʉza bʉa bia kʼawua baita kʼãrẽta jarakĩrãkʉta dayi bebʉ Daizezeʼa diaita, akʉza buru kʼoeita. Bia kʼawuabara Jeowara sobiabʉta bʉa ĩjãsi baera, iyi biaba so zʉbʉria akʉda kʼarea bʉta adewara bʉa soiduba okĩrãbʉ baera iya jarabʉta.

1. ¿Sãwũã juwajidamarẽã kãgabʉ Daizezebara? ¿Kʼãrẽ obʉrʉdebʉrʉ yi idubʉseabʉta jarabʉ Daizeze Bedʼeabara?

   • «Iya panʉsi: ¿Marabara lebada ẽka mara parãsidera nawedaʉba osita yumakẽrãta akʉza yuwẽrãta akʉza jarasi maʉ̃ kʼarea yumakẽrãbara yibarirara idubʉya, yi kimaʉ̃me ãbabaya kakua abaʉ kĩrãkʼa? Mawũẽra maʉ̃neba ʉ̃ta ũmepanʉ ẽ, awuarabʉrʉ kakua abapai kĩrãkʼapanʉ. Maʉ̃ kʼarea Daizezeba ãbabʉdara, mia abaʉ yumakẽrãba yi idubʉbi ẽ. Mʉ̃a mara jaraya, yumakẽrãba yi kimata idubʉra (awuru erkʼãĩbʉrʉ kʼarea) akuza awurʉ̃me juwua jidara maʉ̃ra, ãĩbadogo» (Mat. 19:4-6, 9).

2. ¿Kʼãrẽa kʼẽrẽpa juwajidaibara yumakẽrãta akʉza yuwẽrãʉ̃me ãbapanʉnera? Bʉta juwajidasibʉrʉ, ¿karta osika juwajidaita notariade mawũã ẽ bʉrʉ juzgadode?

   • «Kĩrãbebibara nokʼora juwa edre bʼaibarata akʉza yi bururaba jarabʉde bʼaibarata, ewari jõmaʉ̃nẽ nekʼãrẽ biata okĩrãpanaibara soiduba» (Tito 3:1).

   • «Wawiata ũdubira juwa jidabʉdera, mia abaʉba nemitia oẽ baibara korra kʼãĩbarimaera, Daizezebara kãga ẽ bayi yi mia erkʼãĩbʉra adewara ãĩbapanʉrasida» (Heb. 13:4).

3. ¿Bʉara kʼãrẽta oibara mebẽrãnebʉdera?

   • «Mʉ̃ wũãwũã, ũrĩda, bʉ zezeba jaradiabʉra akʉza idubʉrãra bʉ papaba jarabʉra» (Prov. 1:8).

   • «Yumakẽrãra yi kima buru, abarika Jesu kongregasion buru kĩrãkʼa, iyabaʉta maʉ̃ kakua kʼareba». «Yumakẽrãra marã kimara kãgaidua, Kristoba kongregasion kãgabada kĩrãkʼa, dayirã kãgaba idu yi beabisi» (Efes. 5:23, 25).

   • «Zezera mara warrarãra kĩrʉbiraidua, awuarabʉrʉ dapʉẽdua Jeowaba kãgabʉde» (Efes. 6:4).

   • «Warrara ũrĩdua bʉ yibarira bedʼeata nejõmaʉ̃nẽ, mawũãra sobiabibʉ Daizezeta» (Col. 3:20).

   • «Yuwẽrã kima barabebara ũrĩbara mara kima bedʼeara, ʉ̃kʉrʉba Daizeze Bedʼea ĩjã ẽ bʉrʉ, marabara ĩjãbiseabʉ mia kʼãrẽ bedʼea jara ẽã mayi sãwũã bʉdeba» (1 Ped. 3:1).

4. ¿Kʼãrẽa wawiaibara dayi bebʉra?

   • «Miã beubari bʼeba diadʼamarẽã bʼʉ ẽã izha nesidʼata. Izhabʉrʉ jõmaʉ̃ã dia bʼʉa zokʼai bʼaita, ĩñabata, aramaʉ̃ne ne jõma dia bʼʉa». «Izhidʼeba dazhirã bʼea, pira bʼea, aramaʉ̃ne bʼea. Ʉ̃kʉrʉ marãnebema bedʼeata bʼʉbadabara aramaʉ̃ kĩrãkʼa jarabʉdata mawũãsidʼa: Dazhirã Daizezedʼeba urua» (Hech. 17:25, 28 DB).

5. ¿Kʼãrẽa mia bea ẽ baibara akʉza wũãwũã urabʉe ẽ baibara?

   • «Yumakẽrã yõbarabʉde podara yuwẽrã biogo kiruta akʉza iyi toi ewari nãã tora mamina mia kʼaita bei ẽ mina, yi podabara diaibara yuwẽrã kimaba widibʉrʉta. Adewara pagaibara juezʼraba jarabʉrʉde. Mamina abaʉta beira, bʉsida abarika odaibara» (Éx. 21:22, 23).

   • «Bʉara mʉ̃ra ũdukʼawuabʉ biteda bʉwedaʉba, bʉ librode jarabasi mʉ̃ kakuaza sãwũã bʼaibasita (adewara sãwũã wari wãibasita) yi kakua neẽ weda» (Sal. 139:16).

   • «Nekʼãrẽ 6bʉ Jeowaba jʉrabʉta; wãrĩnu bʉ nekʼãrẽ 7 iya jipa jʉrabʉta: yi dabʉ kayirua akʉbʉta, kĩrãmeba sewida jarabʉta akʉza ẽbẽra bia beapanʉta» (Prov. 6:16, 17).

6. ¿Kʼãrẽta jarabʉ Daizezebara wa ʉ̃rʉra?

   • «Kʼãrẽ zhi zromarãne erubʼeiita ne beabadata kʼorãũdua, ne wata kʼorãũdua, ne ojũẽbʼari bea kʼorãũdua, kĩma ẽãta erukʼãĩrãũdua. Marãba maʉ̃ta aribʼaedʼara bia nʉmeãña. Bia bʼeaudua» (Hech. 15:29 DB).

7. ¿Kʼãrẽa kãgaibara dayirã mebẽrãra?

   • «Aribʼaeita zhiwidʼita mʉã marãã jaraya: Zhiya kʉãgʼaudua, mʉã marãta kʉãgʼa bʼʉ kĩrãkʼa. Mawũãtrʉ jõmaʉ̃ba kʼawuadʼaya marã mʉ pẽwã bʼeta, zhiya kʉãgʼa bʼebʉrʉ» (Juan 13:34, 35 DB).

8. Awuruta kayabi ẽ baita dayideba kaya kayiruaba (1) ¿Ẽbẽra kãyabʉbara kʼãrẽa bʉra be ẽ akʉza ñegabe ẽ wuabemara? (2) ¿Kʼãrẽa kĩrʉbe ẽ yi kayabʉra deidu jũẽmarẽã trʉ̃na ẽ bʉrʉ? (3) Ẽbẽra abaʉtabasibʉrʉ iyi kayaseabʉmae, ¿kʼãrẽa biga kima jʉrʉi nãã mediko akʉi wãita? (4) ¿Kʼãrẽa bigabai yi kayabʉbara jaraita zõrãrã ãba yi jʉredabariaʼa buru kʼoei nãã?

   • «Mia abaʉʼa debe oraidua awuarabʉrʉ kãgata diaibara; wuabemara kãgabʉbara obʉ leyba jarabʉta. Yi ley (ãĩbarãra, mia bearãra, nezrʉgarãra, nekʼãrẽ yãrãneta erbaita kãgarãra akʉza wuabema leybʉra) bedʼea abaʉde jarabʉa: Kãgara wuabemara bʉyikʉza kãgabʉ kĩrãkʼa. Kãgabʉbara kayirua oẽã wuabemarãra. Mawũã kãgaibara jõma aribaebʉa leyta» (Rom. 13:8-10).

   • «Marabara krĩcharaidua mayitabʉrʉ nekʼãrẽ jʉrʉita, awuarabʉrʉ krĩchaidua wuabemarasida» (Filip. 2:4).

9. ¿Kʼãrẽa Jeowabara kãgabʉ wuabemara nemitiara kĩrãduamarẽã?

   • «Yiya jʉ̃ãbeidua akʉza ibiade kĩrãduaidua bʉ ʉ̃rʉ nemitiata osidamina. Jeowaba mara nemitia ibiade kĩrãduabʉ kĩrãkʼa mara bida abarika mawũã oibara» (Col. 3:13).

10. ¿Kʼãrẽta oibara mebẽã abaʉba bʉ ʉ̃rʉ sewidata jarara akʉza bʉa nekʼãrẽ erbʉta zrʉgara?

    • «Bʉ mebẽãba bʉta bĩ ẽã obʉrʉba kʼazhiruata ora wãpe dobʼaʉdʼe ũrãgʼarua, bʉ bedʼeata ũrĩrã Daizezeita ganabʉrʉa bʉ mebeara. Mawũãmina bʉ bedʼeata ũrĩ ẽbʉrʉ, mʉnebemata abʼa o ũme ededua, aramaʉ̃ne ũmeba o ũbeaba wãrĩnuã adʼamarẽã bʉa jara kʼobʼʉ bedʼeara jõma. Maʉ̃rã bedʼeata ũrĩ ẽbʉrʉ mebẽrã bʼea jaradua, mebẽrã bedʼeata ũrĩ ẽbʉrʉ Daizezedʼebema ĩjã ẽã bʼʉ kĩrãkʼa edarua, o rey Romanebemaĩta plata widʼibarita kʼazhirua omiã kĩrãkʼa edarua» (Mat. 18:15-17 DB).

11. ¿Jeowabara sãwũã akʉbʉ naʉ̃ra nekayiruata?

    • ▪ Mia erkãĩta krĩchabʉde.

    • ▪ Nekʼãrẽ oma yiwidʼita.

    • ▪ Abari yumakẽrã kãgabaita akʉza abari yuwẽrãta.

    • ▪ Nezrʉgaita.

    • ▪ Plata bari jemeneita.

    • ▪ Itua doita.

    • «¿Kʼawua ẽka ẽbẽra kayiruarãra Daizeze Nokʼo edre ba ẽãta? Maʉ̃ba mayikʉza sewaraidua. Ẽbẽrarã ãyi kakua neida obʉta, nekʼãrẽ oma yiwidʼibʉta, juwa jidabʉ ãĩ babʉta, yumakẽrãba iduaribibʉta awuru yumakẽrãba iyita erkʼãĩmarẽã, yumakẽrãta abari yumakẽrãʉ̃me erkʼãĩbʉta, mia nezrʉgamiarasida, plata mejãcha kãgabʉrasida, itua domiarãsida, imitia bedʼeabʉrasida, maʉ̃ obʉra Daizeze ẽjũã kĩrãwãreãnẽra eda wã ẽ» (1 Cor. 6:9, 10).

12. Mia erkãĩta adewara ãĩbaita krĩchanʉmʉbʉrʉ, ¿kʼãrẽta oibara?

    • «Jĩga bʼaidua dayi kakua neida oidebara, adewara wuabema nekayirua obʉra ãĩbʉ iyi kakuadebara, mamina iyi kakua kayirua neida obʉbara nemitiata obʉ ariya iyi kakuaʉ̃me» (1 Cor. 6:18).

13. ¿Kʼãrẽa do ẽ baibara medikoba pastiya dia ẽ badara? akʉza ¿Do ẽ baibara nekʼãrẽ dayi kira purra bibʉta?

    • «Mawũẽ mebẽrã, Daizezeta so zʉbʉriasi baera, mʉ̃a widibʉ mara kakuara diadamarẽã sakripisio kĩrãkʼa Daizezeita, neneẽã iya kãgaide; mawũãtrʉ iyi bedʼeara aribaedaya krĩcha biadeba» (Rom. 12:1). «Naʉ̃ ẽjũãne bʼedʼe bʼearãũdua, awuarabʉrʉ krĩcha zhiwidʼidʼe nʉmeba kĩrãẽpa bʼeaudua, mawũãrã kʼawuadʼaya Daizezeba kʼãrẽ krĩñata, jipa biata krĩñata» (Rom. 12:2 DB).

14. ¿Kʼãrẽ nekayirua jaibananebemata kãga ẽ Daizezebara?

    • «Mia abaʉba babʉebe ẽ yi wauta mia yi kauta, mia abaʉba jʉrʉ be ẽ ẽbẽra nekʼãrẽ oda aripe jaradiabari obʉra, mia jaidebema obʉta, mia jara ĩjãbʉra, mia jaibanata, mia awuru nʉgʉbʉta, mia wãbe ẽ jaure kayiruaʉ̃me bedʼeabʉma, mia kʼãrẽ sãwũã berabari jarabʉma, mia abaʉta bedʼea be ẽ beidaʉ̃mera» (Deut. 18:10, 11).

15. ¿Ẽbẽra abaʉba kãgabʉbʉrʉ iya nemitia yi zroma odata Jeowaba kĩrãduamarẽãbʉbʉrʉ aramaʉ̃ta kʼãrẽta oibara?

    • «Kõbebʉrʉ mʉ̃a bʉaʼa jarasi mʉ̃a nekayirua odara, mʉ̃ara mera ẽ basi. Mʉ̃a jarasi: Mʉ̃a nemitia odara Jeowaʼa jarayi. Bʉara kĩrãduasi mʉ̃ nekayiruara akʉza mʉ̃ nemitiasida» (Sal. 32:5).

    • «¿Maranebʉka kayabʉra? Trʉ̃ra zõrãrã kongregasionebemata iyibari yiwidʼidamarẽã, nedragaba zoadamarẽã Jeowa trʉ̃neba. Ãyi soiduba yiwidʼibʉde iyi kayabʉbʉrʉ jẽda biaseabʉ akʉza Jeowaba piradrʉbiyi. Iya nemitiata osibʉrʉ maʉ̃sida kĩrãduaya» (Sant. 5:14, 15).

16. Bʉa kʼawuara mebẽã abaʉba nemitiata obʉrʉta, ¿kʼãrẽta oibara bʉara?

    • «Kʼawuabʉbʉrʉ ẽbẽra abaʉba kayirua ochuta, ũdusi baera mawũã ẽ bʉrʉ ũrĩsi baera mamina jara ẽ bʉrʉ, iya maʉ̃ba nemitia oda kʼarea panʉibara» (Lev. 5:1).

17. Jaradara ẽbẽra abaʉta wua Jeowa ʉ̃rʉ Kʼawuabipanʉra ẽãta, ¿sãwũã bʼai bʉra maʉ̃ ẽbẽraʉ̃mera?

    • «Mamina mʉ̃a maraita bʉnʉmʉa ãba pana ẽ marẽã badumae mebẽã abʉmina, iya mia erkʼãĩbʉbʉrʉ, jõma erbakĩrãbʉbʉrʉ, nekʼãrẽ oma yiwidʼibʉbʉrʉ, ituadomiabʉrʉ mawũã ẽ bʉrʉ iyi bedʼeaba daʉperabʉbʉrʉ nekʼãrẽ diadamarẽã. Maʉ̃ ẽbẽraʉ̃mera nekorãra» (1 Cor. 5:11).  

    • «Ẽbẽra aba marama jʉ̃ẽbʉrʉde naʉ̃ta jaradia ẽ bʉrʉ, deda baribiraidua akʉza juwa diaraidua» (2 Juan 10).

18. ¿Kʼãrẽa dayi neũdukʼawuarabara kãgapanaibara Jeowara?

    • «Yi buru biabawara ãba bʉra buru biabayi, mamina yi kʼẽrẽpa bʉ ẽ bawara ãba bʉra bia wã ẽ bayi» (Prov. 13:20).

    • «Idu yi kʉ̃rʉ̃gabiraĩdua, ẽbẽra kayiruabara edebʉ dayirã nebia aduabita» (1 Cor. 15:33).

19. ¿Kʼãrẽa Jeowa ʉ̃rʉ Kʼawuabipanʉrarã bʉ ẽ politikadera?

    • «Ãzhira naʉ̃ ẽjũãnebema ẽã mʉta naʉ̃ ẽjũãnebema ẽkĩrãkʼa» (Juan 17:16 DB).

20. ¿Bʉara kʼãrẽa ũrĩbara nokʼora udadebema bedʼeara?

    • «Zhãrã jõma nokʼorã edre bʼeaudua. Nokʼora Daizezeba bʼʉdʼa ẽãrã ne ẽã, aramaʉ̃ne zhi bʼʉra Daizezeba bʼʉdʼata bʼʉa» (Rom. 13:1 DB).

21. Ẽbẽra leyta Daizeze leyʉ̃me abarika chu ẽ bʉrʉ, ¿kʼãrẽta oi bʉara?

    • «Mawũãnaĩ Pedroba panaʉ̃bʉrʉta Jesúsba zokʼakuadʼa bawarauba mawũãsidʼa: Daizeze bedʼeata aribʼaei bara zhãrã bedʼeata aribʼaei kʼãñabara» (Hech. 5:29 DB).

22. ¿Kʼãrẽ testoba kʼarebai naʉ̃ druadebema kĩrãkʼa ba ẽ baita trajo jidabʉrʉde?

    • «Iya kʼawua oyi pʉwʉrʉ mejãchaʉta akʉza edeyi nenẽã babita pʉwʉrʉ zareaberaita akʉza jĩgaberaita. Akʉza kʉchora palababiyi akʉza ãyi miazʉra tigera babiyi. Mia abaʉ pʉwʉrʉba kʉcho jiradadakabayi awuru pʉwʉrʉ beaita, mia abaʉba wuara yõ kʼawuada ẽ bayi» (Miq. 4:3).

    • «Ũrĩsi bajãneba bedʼea jarabʉta: Ãĩ wãidua kaʉ̃nebara, mʉ̃ pʉwʉrʉra, maraba ãyide kĩrãkʼa kayiruata okĩrã ẽ bʉrʉ oraidua akʉza maʉ̃ra kĩrãkʼa zʉbʉria bakĩrã ẽ bʉrʉ» (Apoc. 18:4).

23. ¿Bʉara bʉ jemenebʉrʉdera kʼãrẽta jemene bai akʉza kʼãrẽta jemene ẽ bai?

    • «Jeowabara idu akʉbʉ yi aripe obʉta akʉza yi nekayirua obʉsida; iyara jʉra jõma zʉbʉria oita kãgabʉra» (Sal. 11:5).

    • «Soidʼu zhi kʉãgʼa bʼeaudua. Bia ẽãrã o ẽã ũduamaʉ̃dua, oudua biatrʉ» (Rom. 12:9 DB).

    • «Kõbebʉrʉ mebẽrã badua krĩchapanaidua wãrĩnuarata yi kʼẽrẽpabʉta, jõma aripe obʉta, neneẽãbʉta jõma kãgadeba opanʉta jõma bia bedʼeabibʉta, jõma sobiade opanʉta akʉza nejõma biʼia jaraseapanʉta» (Filip. 4:8).

24. ¿Kʼãrẽa Jeowa ʉ̃rʉ Kʼawuabipanʉrã ãba panʉ ẽ wuabemara religione?

    • «Marabara do ẽ baibara Jeowa tasade iyabaʉta do ẽ baibara angelera kayirua tasade. Adewara Jeowa mesade ba ẽ baibara iyabaʉta angelera kayirua mesade» (1 Cor. 10:21).

    • «Maʉ̃ kʼarea ãĩ wãidua ãyideba akʉza jãpe beidua (jarabʉ Jeowaba), nemitiata orara, mawũãra mʉ̃a jidayi» (2 Cor. 6:17).

25. ¿Kʼãrẽ wãrĩnu Daizeze Bedʼeara debemaba kʼarebai piesta obarabʉeda wãseabʉ kʼawuaita?

    • «Awuarabʉrʉ ãba panasi wuabemara pʉwʉrʉbawara akʉza opanasi ãya obʉta. Nekʼãrẽ oma yiwidʼipanasi, mawũã ãyita baebibasi naʉ̃ba» (Sal. 106:35, 36).

    • «Zokʼaibʉrabara krĩchabʉ beita, mamina beidabara mia kʼãrẽsida krĩcha ẽ. Akʉza kʼãrẽ oibadara kĩrãduasi» (Ecl. 9:5).

    • «Ãzhira naʉ̃ ẽjũãnebema ẽã mʉta naʉ̃ ẽjũãnebema ẽkĩrãkʼa» (Juan 17:16 DB).

    • «Dããraba maraba opanʉta wuabemaraba kayirua opanʉta, kʼãrẽ nemitia pera ẽã dayi kakuaba okĩrãbʉta, mejãcha itua doita, bʉzridanʉmaita itua doi kʼarea akʉza nekayirua oita nekʼãrẽ oma yiwidʼi bʼai kʼarea» (1 Ped. 4:3).

26. ¿Saʉ̃ yiza Daizezedebemaba kʼarebai piesta dayi toda ewari oi kʼawuaita?

    • «Mawũã berabarida tẽã, ewari ũbeade paraon toda ewarita zesi. Maʉ̃ kʼarea paraonbara yiko mejãcha osi iyi nezokʼara jõmaraita aramaʉ̃ta iya jarasi wemarẽã nejue edebari nokʼota akʉza panadero nokʼota mawũã iyi nezokʼara nãã panamarẽã. Aramaʉ̃ta nejue edebari nokʼora iyi nãã kʼãrẽ obadama jẽda bʉesi, mawũã paraonʼa nejue edebesi. Mamina panadero nokʼora bea zokʼasi, Joséba jarada kĩrãkʼa ãyi kʼãĩmokʼãrãde» (Gén. 40:20-22).

    • «Mawũãmina Herode año cumpli nʉmʉ fiestadʼe Herodía kʼauta miõ ẽsadra bairabʉrʉta Herodema biga basia. Mawũẽ Herodebara wãrĩnu diaita jarasia jõma izha widʼibʉrʉta. Mawũẽ zhi papaba jaradʼadʼe widʼi mawũãsia: Epedʼekʼodʼe mʉãã diadua Juan Burukʼoemiã buruta. Mawũãĩ rey Herode sopuasia, mawũãmina izhi bawara nekʼo kʼobʼe kĩrãbita kʼãrẽ wãrĩnu diaita jaradʼa baera jarasia diadʼamarẽã. Mobe otatubisia Juan cárceldʼe» (Mat. 14:6-8, 10 DB).

27. ¿Kʼãrẽa ũrĩbʉ bʉara zõrãrã ũrãgʼara?

    • «Yi nãã panʉra bedʼeara ũrĩnaidua, ãya marata sobiade biʼia akʉpanʉ baera, ãyira marabari bedʼeaya mara sãwũã akʉbʉdeba. Mãwũãtrʉ sobia panañi ãyira akʉza zareade opana ẽ bayi, marara maʉ̃ kʼarea zʉbʉriaseapanʉ» (Heb. 13:17).

28. ¿Kʼãrẽa biga bʉ mebẽrãbawaraʉba ewari jʉrʉita Daizeze Bedʼea leita akʉza bia kʼawuadaita?

    • «Awuarabʉrʉ kãga Jeowa leyta, akʉbʉ ewaride akʉza diamasi nemi idu. Mawũã ora bakʉrʉ dokida edaʉnʉminabari kĩrãkʼabayi, iyi saʉ̃ ewari zebʉrʉde saʉ̃ nʉminabari kĩrãkʼabayi, mia yi kiduasida jurzoa ẽ bayi. Jõma kʼãrẽ obʉra bia wãñi» (Sal. 1:2, 3).

29. ¿Bʉra kʼãrẽa wãkĩrã ãba yi jʉrebarimaera adewara juwa wa kʼãrãpe bedʼea panʉita?

    • «Mʉ̃a mebẽrã deidu bʉ trʉ̃ta jaraya akʉza kongregasione eda bʉ ʉ̃rʉ ibia bedʼeaya» (Sal. 22:22).

    • «Krĩchaidua mayirai kʼarebaita akʉza kãgaita, adewara nebia oita. Idubʉraidua ãba yi jʉrepanʉta ʉ̃kʉrʉba obʉ kĩrãkʼa. Awuarabʉrʉ mayirai zarea diaidua audre ĩjãita, kʼawuapanʉ baera Daizeze ewari zeira arakʼaita ba baera» (Heb. 10:24, 25).

30. ¿Saʉ̃ trajota audre opanamarẽã jara amaesi Jesubara?

    • «Mawũẽ wãidua, mõbe mʉ̃nebemata ĩjãnamarẽã jaraidua drʉaza yãrã jõmaʉ̃ʼa. Buru kʼoeidua Daizeze trʉ̃ne, yi Warra trʉ̃ne, jaure bia trʉ̃ne» (Mat. 28:19). «Mobe ũrãgʼaudua jõma aribʼaedʼamarẽã mʉã marãã jaradʼata. Mʉrã marã bawara ewariza bʼaya ẽjũã jõñeẽna. Amén» (Mat. 28:20 DB).

31. ¿Plata diabʉde Daizeze Nokʼoba onʉmaĩta akʉza mebẽrã kʼarebaita sãwũã diamarẽã kãgabʉ Jeowabara?

    • «Wawia ũdubira Jeowaʼa bʉa audre nebia erbʉdeba, bʉa nebia jʉrebʉta» (Prov. 3:9).

    • «Aba abakaʉba mayi sodeba krĩchabʉta oidua, oamane oraidua akʉza diamane diaraidua, Daizezebara kãga sobiade diabʉta» (2 Cor. 9:7).

32. ¿Dayirã kristianorabara kʼãrẽ bedʼea zromata ũdui?

    • «Sobiaudua biata obʼe kʼarea zuburia obʉdadʼera, mawũã bʼera Daizezeta Nokʼodʼebema. Sobiaudua mʉ kʼarea ikʼazhirua jarabʉdadʼera, zuburia obʉdadʼera, nekĩrãtõnoã bĩ ẽã jarabʉdadʼera sewa nebʉrʉ. Bʼʉsridʼaudua, sobiaudua, mawũãrã marãbara ʉ̃tre ne biata waibʼʉa jidadʼaya. Daizezeba bedʼeata jarabibarirã bʼeadʼasidʼa mawũã zuburia obazhidʼa marã bʼe nawedʼa bʼeadʼata» (Mat. 5:10-12 DB).

33. ¿Kʼãrẽa jipa yibia dayirã buru kʼoeira akʉza Jeowa ʉ̃rʉ Kʼawuabipanʉrã bʼaita?

    • «Mʉ̃a bʉ bedʼea ũdusi, kõbebʉrʉ mʉ̃a makosi; mʉ̃ sobia baribasi bʉ bedʼeara mʉ̃ soitara, mʉ̃a erbʉ bʉ trʉ̃ra, Zeze Jeowa gorogorora buru» (Jer. 15:16).