YI 9

¿Zõbede ẽjũã bia bai naʉ̃ drʉara?

Idi bedʼea zroma bʉba, ũdu bibʉ Daizeze Nokʼo zeita arakaita bata (Lucas 21:10, 11, DB; 2 Timoteo 3:1-5)

Bed’ea zromata mejãcha erbʉ naʉ̃ ewaridera: plata k’ãrẽa, yõba, kayaba, jarrababa, wũãwũãba ũrĩẽ yibarira bed’eata akʉza deda yõtabʉ

Dããrãba Daizeze Bedʼeaba jarasi, idi mejãcha bedʼea zroma ũdu daita. Wũãwũãbara ũrĩ ẽ baita yi barirãra bedʼeara, akʉza baita ẽbẽra zʉbʉria kʼede akʉ ẽata, adewara audre jʉrʉ panʉ platata Daizezeĩra, akʉza opanʉ ãya audre kãga bʉta.

Akʉza Daizeze Bedʼeabara jarasi ũdu daita drʉa ureta, jarrabata, kayata, yõta, zʉbʉria mejãcha, idi za ũdu panʉ kĩrãk’a.

Jeowa ʉ̃rʉ K’awuabipanʉrã abaʉba jara diabʉ Daizeze Nok’o ʉ̃rʉ ẽbẽra abaʉ’a

Jesubara jarasi Daizeze Bedʼeara jaradia daita naʉ̃ drʉa jõmaʉ̃nẽ, iyi Nokʼo ʉ̃rʉ (Mateo 24:14, DB).

Daizeze Nokʼobara jõma jõbiyi kayiruarã (2 Pedro 3:13)

Makenabʉ ẽbẽra kayirua Armagedonne, maʉ̃re Diarʉta akʉza iyi antomĩabawara beiyi

Jeowabara aranʉ makenañi ẽbẽra kayiruarãra.

Diarʉta akʉza iyi angelerã kayirua bawara makĩnĩñi.

Jesu jebedabʉ ʉ̃tʉ bajãne; ẽbẽrãra naʉ̃ drʉa jõmaʉ̃nebemata sobiapanʉ

Ẽbẽra Daizeze Bedʼea ũrĩ bʉra, zobia panañi, ãyiraĩ yi kãga panañi, akʉza ãyiraĩ yi ĩjãpanañi, ẽjũã kĩrãwãreãnẽ pera ẽa panañi.