YI 22
¿Bʉara sãwũã jaradiaseabʉ bedʼea biara?
Bʉa Daizeze Bedʼea kʼawua wã ʉ̃rʉ krĩchaseabʉ: «Ẽbẽra jõmaʉ̃ba maʉ̃ ʉ̃rʉ kʼawuaibara». Mawũã, jõmaʉ̃ba maʉ̃ ʉ̃rʉ kʼawuaibara, mamina peraseabʉ bʉa kʼawua wã ʉ̃rʉ wuabemara jaraita. Akʉdaya kʼãrẽta oseabʉta pera ẽ baita, mawũã sobia bedʼea jʉ̃drʉita wuabemarabawara bedʼea bia Daizezeba diada ʉ̃rʉ.
1. ¿Bʉ ũdukʼawuara sãwũã jaraseabʉ bʉa kʼawua wã ʉ̃rʉ?
Jesu kʼaidubemaraba jarasida: «Daiba ũdudapeadata akʉza ũrĩnapeadata jara ẽãranʉma ẽ bayi» (Hechos 4:20). Wãrĩnu ãya kʼawuadara mejãcha kãgabasi baera jõmaʉ̃ʼa jarakĩrãbasi, ¿bʉra abarika krĩchabʉka? Mõbe jʉrʉda sãwũã ibiade bedʼeaita bʉ mebẽrãbawara akʉza bʉ neũdukʼawuara bʉa kʼawua wã ʉ̃rʉ (akʉra Colosenses 4:6).
Sãwũã ojʉ̃drʉita
Bʉ mebẽrã abaʉʼa Daizeze Bedʼea ʉ̃rʉ bedʼea jʉ̃drʉita jaraseabʉ: «Mʉ̃a naʉ̃ bedʼea bia ʉ̃rʉ kʼawuasi naʉ̃ semana baside».
Bʉ neũdukʼawuata kayabʉbʉrʉ akʉza krĩcha zroma obʉbʉrʉ testo aba ũdubira iyi sobiabiseabʉta.
Bʉ kopaerora trajodebemaba widira bʉ enaʉ̃na ewaride kʼãrẽta osita, nebʉrada bʉa Daizeze Bedʼea ʉ̃rʉ kʼawuadata akʉza ãba yi jʉrebarimae kʼawuadata.
Jaradiara bʉ neũdukʼawuaraʼa internetʼne eda jʉrʉ kʼawuaita jw.org.
Jarada awuruʼa bʉmeba Daizeze Bedʼea kʼawuaita akʉza ũdubira sãwũã jw.org iya widiseabʉta iyaʼa jaradia wãmarẽã.
2. ¿Kʼãrẽa yibia krĩchaita kongregasionbawaraʉba jaradia wãita?
Jesu kʼaidupanʉrãbara ẽbẽra jõmaʉ̃ʼa jaradiasi, Jesuba «izhi naa ũme ũmekʼa zokʼakuasia pʉwʉrʉza izhi wãi maẽ» mama jaradiamarẽã (Lucas 10:1). Maʉ̃ba kʼarebasi ẽbẽrarã mejãchaʉta Daizeze Bedʼea ʉ̃rʉ ũrĩmarẽã adewara Jesu kʼaidupanʉrãra sobiabasi mawũã ãba jaradiadaba (Lucas 10:17). ¿Bʉabida krĩchaika kongregasionbawaraʉba mawũã jaradia wãita?
AUDRE BIʼIA KʼAWUADADRɄ
Akʉdaya kʼãrẽba kʼarebaseabʉta pera ẽ baita akʉza bedʼea bia ʉ̃rʉ jaradia wãbʉrʉde sãwũã sobia baseabʉta.
3. Jeowara bʉme bayi
Ʉ̃kʉrʉ Daizeze Bedʼea jaradia wãkĩrãbʉmina, perabʉ iyi ʉ̃rʉ kʼãrẽ jaradaiba.
¿Bʉra perabʉka wuabemara bedʼeaita bʉa kʼawuabʉ ʉ̃rʉ? ¿Kʼãrẽa?
Akʉra BIDEOTA, mõbe naʉ̃ta panʉidua:
¿Sãwũã warrara wua pera ẽ basi?
Akʉra Isaías 41:10, mõbe naʉ̃ta panʉidua:
¿Kʼãrẽa yiwidʼibara perabʉbʉrʉ jaradia wãita?
¿Kʼawuabasika?
Ʉ̃kʉrʉ Jeowa ʉ̃rʉ Kʼawuabipanʉrã bʼai nãã krĩchapanasi jaradia be ẽãta, bari jaradaita, Sergeyʼra kʼãrẽ ẽ kĩrãkʼa krĩchabasi, maʉ̃ba zarebasi wuabemarabawara bedʼeaita, mamina Daizeze Bedʼeata kʼawua jʉ̃drʉsi. Iya jarasi: «Mʉ̃ra mejãcha perabasimina, zarea osi wuabemarabawara bedʼeaita mʉ̃a kʼawuada ʉ̃rʉ. Mʉ̃a kʼawuayeda mʉ̃a krĩchabadara wua krĩcha ẽ basi akʉza mʉ̃a Daizeze Bedʼea ʉ̃rʉ kʼawua wãta audre ĩjã wãsi».
4. Wawiata ũdubira
Jaradiai nãã bari krĩcharãra kʼãrẽ jaraita, awuarabʉrʉ krĩchara sãwũã jara ũrĩbita. Akʉra 2 Timoteo 2:24 akʉza 1 Pedro 3:15, mõbe naʉ̃ta panʉidua:
Naʉ̃ testoba jarabʉdera, ¿bʉara sãwũã oũdubiseabʉ wuabemarabawara bedʼeabʉrʉde?
Ʉ̃kʉrʉ bʉ mebẽrãnebemata bʉme bedʼea abarika ze ẽ bʉrʉ akʉza bʉ neũdukʼawuarata, ¿kʼãrẽta oseabʉ? akʉza ¿kʼãrẽta obe ẽ?
¿Kʼãrẽa audre yibia wuabema pikãga jaradiaita ãya kʼãrẽ oi jaraira?
5. Dayirã Bedʼea bia ʉ̃rʉ bedʼeabʉrʉdera sobiabibʉ
Jeowabara jarasi Jesuʼa bedʼea bia ʉ̃rʉ bedʼeamarẽã, ¿Jesubara sãwũã akʉbasi maʉ̃ra? Akʉra Juan 4:34, mõbe naʉ̃ta panʉidua:
Yiko bia kobʉdera kʼarebabʉ bia bʼaita akʉza sobia bʼaita. ¿Kʼãrẽa Jesubara Jarasi Daizezeba kãgabʉde obʉdera yiko kĩrãkʼabʉta akʉza jaradia wãinebida?
Bʉmara, ¿kʼãrẽ nebiata ũduseabʉ bedʼea biata jaradiabʉbʉrʉ?
Kʼãrẽ oseabʉta
Semanane ãba yi jʉrebarimaebʉde akʉra bʉa sãwũã oseabʉta bedʼea jʉ̃drʉita.
Widira bʉ nejaradiabariʼa ãba yi jʉrebarimae kʼãrẽta oseabʉta diskurso diaita. Bʉa diskurso diabʉdaba kʼarebayi audre bia jaradia wãita ẽbẽrarã.
Zokʼara «ʉ̃kʉrʉba krĩchapanʉta» akʉza «ʉ̃kʉrʉba widipanʉta» naʉ̃ librodebemata ẽbẽrarãba widibʉ kʼawuaita sãwũã panʉita.
Ʉ̃KɄRɄBA WIDIPANɄTA: «Dããraba ũdu ẽã, ¿sãwũã wã bʉra?».
¿Bʉara kʼãrẽta jaraseabʉ maʉ̃ ẽbẽra bʉa kʼawua wã ʉ̃rʉ?
KĨRÃBEITA
Sobiabibʉ bedʼea bia ʉ̃rʉ bedʼeabʉba akʉza ojʉ̃drʉira zare ẽ bayi bʉa krĩchabadaira.
Panʉnadrʉ
¿Kʼãrẽa jaradiadaibara bedʼea biara?
Bʉara, ¿sãwũã wawiata ũdubiseabʉ jaradiabʉde?
¿Sãwũã wua pera ẽ baita?
JɄRɄDA AUDRE KʼAWUAITA
Akʉra bedʼea kimareba sãwũã audre kʼarebaseabʉta jaradia wãita tarjeta jw.org ũdubarideba.
Ũdukʼawuara nekʼãrẽ bia kimare ʉ̃rʉ bʉ sãwũã kʼarebaseabʉta Daizeze Bedʼea ʉ̃rʉ bedʼeaita.
«¿Bʉra zokeabʉka ẽbẽrarã jaradia wãita?» (Jarakabʉ, septiembre 2020de)
Akʉra Daizeze Bedʼeade nebʉrata sãwũã kʼarebaseabʉta, zowaĩnĩgʉa bʼaita Daizeze Bedʼea jaradiaita warraramina.
Akʉra sãwũã bedʼeaseabʉta bʉ mebẽrã Daizeze ode bʉ ẽ bawara Daizeze Bedʼea ʉ̃rʉ.
¿Mebẽrã Daizeze odebʉra ẽ soidu sãwũã jʉ̃ẽbita? (Jarakabʉ, 15de marzode 2014de)