Zokʼara Daizeze Bedʼeara espejo kĩrãkʼa

Jesús kʼaidubema Santiagobara jarasi Daizeze Bedʼeara espejo kĩrãkʼabʉta naʉ̃ba kʼarebabʉ baera akʉita kʼairata dayirãra (Sant. 1:​22-25). ¿Dayirãbara sãwũa bia zokʼaseabʉ Daizeze Bedʼeara espejo kĩrãkʼa?

Kĩrãkita lera. Dayirãba espejode mesera akʉdara ũdu ẽ bayi dayide kʼãrẽta aña bʉra. Maʉ̃ kĩrãkʼa, dayirãba Daizeze Bedʼeata mesera ledara kʼawuada ẽ bayi kʼãrẽne ara oibarata, maʉ̃ba dayirãbara Daizeze Bedʼeara pikãga ledaibara daya ũrĩne.

Akʉra bʉa kʼãrẽne ara oita waebʉta akʉrãra wuabemaraneta Edaʉde dayirãba espejode akʉbʉrʉde ũduseapanʉ awuru ẽbẽra dayi jẽdarebʉta mawũã akʉseabʉ iyi kʼãrẽne mitiabʉta Abarika Daizeze Bedʼea lebʉde ũduseabʉ awuru ẽbẽraba kʼãrẽta ara oita waebʉta. Mamina mawũã odara naʉ̃bara kʼareba ẽ bayi ara oita dayi kʼãrẽne ara oibarata waebʉta.

Jʉra kʼawua krĩchabara. Espejode akʉbʉrʉde daya yi mitia awa akʉra bia senti ẽ bayi. Maʉ̃ba dayirãra jʉra kʼawua krĩchaita nesidapanʉ Daizeze Bedʼea lebʉrʉdera daya obe ẽãsidʉ wẽta oita krĩcha ẽ baita, Jeowaba maʉ̃ta omarẽã widi ẽ baera (Sant. 3:17).