¡Tijicña maʼ mejlel ti chumtʌl ti pejtelel ora ila ti Pañimil!

Ili jun tsaʼ tsʼijbunti chaʼan miʼ coltañet tiʼ cʌñol majqui jini tsaʼ bʌ i mele Pañimil yicʼot pejtelel chuqui tac an. Jatet mi caj a cʌn chaʼan jini Dios añʌch jumpʼejl i cʼabaʼ, jini tsaʼ bʌ i mele Pañimil. Ti ili jun mic tsictesan lojon chucoch tsiʼ mele Dios jini winic i bajcheʼ maʼ mejlel ti chumtʌl ti tijicña ti pejtelel ora ila ti Pañimil.

Mic pijtan lojon chaʼan ili dibujo tac am bʌ ti ili jun miʼ wen coltañet tiʼ chʼʌmbentel isujm pejtelel iliyi. Chaʼan miʼ ñumen coltañet ili jun, yom maʼ pejcan i tʼan Dios an bʌ ti tʼejl lamital jini dibujo tac. Cheʼ bajcheʼ jini, jatet mi caj mejlel a pejcan yaʼ ti Biblia chuqui wen tac bʌ albil bʌ i chaʼan Dios. I chuqui yom Dios maʼ mel chaʼan maʼ qʼuel bajcheʼ miʼ laj tsʼʌctiyel tsaʼ bʌ i wʌn alʌ Dios.

Mi mejlel a cʼʌn ili jun chaʼan maʼ coltan yanoʼ bʌ. Mi an a walobilob, mi mejlel a cʼʌn chaʼan maʼ coltañob tiʼ cʌñol Dios. Mi chumulet ti jumpʼejl tejclum baʼan cabʌl añobix bʌ i jabilel mach bʌ yujilobic i pejcʌntel jun, mi mejlel a cʼʌn jini dibujo tac chaʼan maʼ coltañob tiʼ chʼʌmbentel isujm chuqui mi caj i mel Dios, chaʼan cheʼ jini mi mejlel i coltañob i piʼʌlob ti chumtʌl.

I sujmlel mic pijtan lojon chaʼan cheʼ maʼ pejcan ili jun miʼ jambeñet bij chaʼan maʼ taj cabʌl bendición tac i chaʼan maʼ pʌsbeñob yañoʼ bʌ bajcheʼ miʼ mejlelob ti chumtʌl ti pejtelel ora ila ti Pañimil.