I bʌl

An cabʌl quixtañujob muʼ bʌ i chaʼleñob wersa chaʼan miʼ wen cʌjñelob ti ili jontol bʌ pañimil. Ti ili temaj mi caj laj qʼuel chucoch yom mi lac sʌclan jiñi ñumen ñuc bʌ laj cʌñol: Ili jiñʌch muʼ bʌ i yʌqʼuen Jehová jiñi xucʼul bʌ i wiñicob. Mi caj laj qʼuel jaʼel bajcheʼ tac miʼ pʌs Jehová chaʼan mucʼʌch i qʼuelonla ti ñuc, i an tajol miʼ pʌs cheʼ maʼañic ñaʼtʌbil lac chaʼan.

Ti ili temaj mi caj laj qʼuel chucoch jiñi xucʼul bʌ Moisés maʼañic tsaʼ mejli ti ochel yaʼ ti Lum tsaʼ bʌ wʌn Subentiyob. Mi caj laj qʼuel jaʼel chuqui yom mi lac mel chaʼan maʼañic mi lac mel tsaʼ bʌ i mele Moisés.

Ti lac pejtelel i chaʼañonla Jehová. Jin chaʼan, cojach jin yom mi lac chʼujutesan. An muʼ bʌ i yʌlob chaʼan xucʼulobʌch tiʼ tojlel, pero maʼañic miʼ jacʼbeñob i mandar. Yaʼ ti ñaxam bʌ temaj mi caj laj cʼʌn chuqui miʼ pʌsbeñonla tsaʼ bʌ ujti tiʼ tojlel Caín, Salomón, Moisés yicʼot Aarón. I chaʼpʼejlel mi caj laj qʼuel bajcheʼ tac miʼ mejlel la cʌqʼuen wocolix i yʌlʌ Jehová chaʼan tsiʼ pʌyʌyonla ochel tiʼ tejclum.