Job xucʼul tsaʼ ajñi cheʼ tsaʼ ilʌbenti i pusicʼal

Job tsaʼ chumle ti Uz cheʼ bʌ mosojob to jiñi israelob ti Egipto. Xucʼul tiʼ chʼujutesa Jehová anquese mach israelic. Cabʌl i familia yicʼot i chubʌʼan. Tsaʼ wen cʌjñi tiʼ lumal, tsaʼ qʼuejli ti toj yicʼot bajcheʼ am bʌ i ñaʼtʌbal. Tsiʼ tʼoxbeyob jaʼel chuqui an i chaʼan jiñi pʼumpʼuñoʼ bʌ yicʼot mach bʌ añobic i chubʌʼan. Xucʼul tsaʼ ajñi Job.

Job tsiʼ pʌsʌ chaʼan jiñʌch Jehová jiñi ñumen ñuc bʌ tiʼ cuxtʌlel

1:8-11, 22; 2:2-5

• Jiñi Diablo tsiʼ qʼuele chaʼan xucʼulʌch jiñi Job. Maʼañic tsiʼ yʌlʌ chaʼan maʼañic miʼ jacʼben i tʼan Dios, tsaʼ bʌ i yʌlʌ jiñʌch chaʼan mach lolomic cheʼ miʼ jacʼben i tʼan Dios.

• Tsiʼ yʌlʌ chaʼan Job miʼ melben i yeʼtel Dios come an chuqui miʼ yʌqʼuentel.

• Chaʼan miʼ jajqʼuel jiñi, Jehová tsiʼ yʌcʼʌ chaʼan Satanás miʼ ticʼlan, jin chaʼan tsaʼ caji i yʌqʼuen wocol tac.

• Come xucʼul tsaʼ ajñi Job, Satanás tsiʼ yʌlʌ chaʼan an jach chucoch cheʼ miʼ chʼujutesañob Dios jiñi quixtañujob.

• Job maʼañic tsiʼ pʼaja Dios, mi tsaʼic yʌqʼue i mulin i wocol tac.