Laʼ laj cʼʌn ti wen jiñi jun tac

Jesús tsiʼ yʌlʌ: «A majtan jach tsaʼ aqʼuentiyetla. I majtan jach mi laʼ wʌqʼueñob jaʼel» (Mt. 10:8). Mi lac jacʼ iliyi cheʼ bʌ maʼañic mi laj cʼajtiben i tojol jiñi Biblia yicʼot jiñi jun tac muʼ bʌ laj cʌyben quixtañujob (2 Co. 2:17). Pero ili jun tac miʼ chʼʌm tilel i sujmlel am bʌ tiʼ Tʼan Dios wen ñuc bʌ i cʼʌjñibal. Cheʼ jaʼel, yom cabʌl taqʼuin yicʼot eʼtel chaʼan miʼ chaʼlentel ti imprimir yicʼot chaʼan miʼ chojquel majlel ti congregación tac. Jin chaʼan, cojach yom mi lac chʼʌm jiñi muʼ bʌ caj laj cʼʌn.

Yom maʼ wen ñaʼtan cheʼ bʌ maʼ wʌcʼ jiñi jun tac, i cheʼʌch yom maʼ mel jaʼel cheʼ bʌ woliyet ti subtʼan baqui miʼ ñumel cabʌl quixtañujob (Mt. 7:6). Mach a wʌqʼuen majqui jach miʼ ñumel, chaʼlen wersa a pejcañob chaʼan maʼ qʼuel mi yomʌch i cʌñob tiʼ sujm. Ñaʼtan mi mucʼʌch i mejlel a jacʼ ti wen jiñi cʼajtiya tac am bʌ ti jiñi recuadro. Mi mach ñoj a wujilic mi yomʌch i cʌn, aqʼuen jumpʼejl tratado. Mi caj la cʌqʼuen jumpʼejl revista o yambʌ jun tac jiñi muʼ bʌ i cʼajtibeñonla (Pr. 3:27, 28).