¿Bajcheʼ yom maʼ wen chajpan a bʌ chaʼan jiñi Biblia?

¿Xucʼul ba a wom ajñel bajcheʼ Daniel cheʼ bʌ añet ti wocol? Daniel tsiʼ wen tsaji i Tʼan Dios, pero ñumento jiñi profecía tac (Dn. 9:2). Cheʼ maʼ wen tsajin jiñi Biblia, ¿bajcheʼ miʼ coltañet chaʼan chʌn xucʼul maʼ wajñel? Miʼ coltañet a ñop chaʼan mucʼʌch caj i tsʼʌctesan i tʼan Jehová (Jos. 23:14). Mi caj a ñumen cʼuxbin Dios, i jiñi mi caj i ñijcañet a mel chuqui toj (Sal. 97:10). Pero ¿bajcheʼ yom maʼ mel? Ñaʼtan tac iliyi.

• ¿Baqui bʌ yom mic wen chajpan? Jumpʼejl wem bʌ programa yaʼ ochem i chajpʌntel jiñi tempa bʌ tac. Mi caj a ñumen tajben i wenlel i pejcʌntel jiñi Biblia ti jujumpʼejl semana cheʼ maʼ sʌclan jiñi maʼañic bʌ maʼ ñaʼtan. Cheʼ jeʼel, an muʼ bʌ i ñumen tsajiñob jiñi profecía tac, i yʌcʼbal jiñi espíritu yicʼot baqui tsaʼ ñumi tiʼ subtʼan jiñi apóstol Pablo o jiñi melbil tac bʌ i chaʼan Jehová. Mi an jumpʼejl a cʼajtiya muʼ bʌ i tilel ti a jol, tsʼijbun i tsajin cheʼ bʌ maʼ chajpan a bʌ.

• ¿Baqui miʼ mejlel c sajcan? Qʼuele bajcheʼ yom maʼ mel yaʼ ti video Eʼtijib tac muʼ bʌ i coltañet a taj ñuc tac bʌ i cʼʌjñibal. Chaʼan maʼ ñop mi mejletʌch, sʌclan chuqui ti yumʌl yom i yʌl jiñi bʌteʼel tac muʼ bʌ tilel yaʼ ti Daniel capítulo 7.

• ¿Bajcheʼ jalel yom mic mel? Muʼ bʌ caj i coltañet chaʼan wen maʼ wajñel tiʼ chaʼan bʌ Dios jiñʌch cheʼ bele ora maʼ chajpan a bʌ. Mi cheʼʌch a wom, ti ñaxan mach cʼʌñʌlic maʼ wen jalʼan i xucʼu xucʼul yom maʼ jalʼan majlel. Cheʼ maʼ pejcan i Tʼan Dios lajal bajcheʼ i sʌclʌntel lets bʌ i tojol: Cheʼ bʌ maʼ taj majlel, mi caj a bej sʌclan (Pr. 2:3-6). Mi caj a qʼuel ti ñuc i Tʼan Dios i mi caj a ñʌmʼan a pejcan (1 P. 2:2).

¿CHUQUI YOM I YɅL JIÑI BɅTEʼEL TAC MUʼ BɅ I TILEL YAʼ TI DANIEL CAPÍTULO 7?

• 

  Dn. 7:4

• 

  Dn. 7:5

• 

  Dn. 7:6

• 

  Dn. 7:7

YAMBɅ CʼAJTIYA:

¿Bajcheʼ tsaʼ tsʼʌctiyi muʼ bʌ i yʌl Daniel 7:8, 24?

YOM TO BɅ MAʼ SɅCLɅBEN I SUJMLEL:

¿Chuqui i sujmlel jiñi bʌteʼel tac muʼ bʌ i yʌl Apocalipsis capítulo 13?