I MELBAL JIÑI XÑOPTʼAN
Ñumen weñʼesan a subtʼan: Cʼʌñʌ ti wen jiñi cʼajtiya tac
CHUCOCH ÑUC I CʼɅJÑIBAL? Mi jiñi i pensar juntiquil lajal bajcheʼ jumpʼejl pozo wen tam bʌ an i yaʼlel, miʼ mejlel laj cʼʌn cʼajtiya tac chaʼan mi lac ñaʼtan am bʌ tiʼ pusicʼal (Pr. 20:5, TNM). Jiñi cʼajtiya wen chajpʌbil bʌ miʼ coltañonla chaʼan miʼ chaʼlen tʼan jaʼel jiñi muʼ bʌ i ñʌchʼtañonla. Cheʼ jaʼel, miʼ coltañonla lac ñumen cʌn jiñi quixtañu. Jesús tsiʼ cʼʌñʌ ti wen jiñi cʼajtiya tac. ¿Bajcheʼ miʼ mejlel lac lajin?
¿BAJCHEʼ YOM MIʼ MEJLEL?
Melben cʼajtiya tac chaʼan maʼ locʼben i tʼan. Jesús tsiʼ melbe cʼajtiya tac jiñi xcʌntʼañob chaʼan miʼ ñaʼtan chuqui añob tiʼ pusicʼal (Mt. 16:13-16; be-S i yopol 238 párr. 3-5). ¿Baqui bʌ cʼajtiya miʼ mejlel a mel chaʼan maʼ cʌn muʼ bʌ i ñaʼtan juntiquil?
Melben cʼajtiya tac chaʼan miʼ cʼotel i ñaʼtan yom bʌ miʼ mel. Chaʼan Jesús miʼ tojʼesʌben i pensar Pedro, tsiʼ melbe cʼajtiya tac i tsiʼ colta chaʼan miʼ ñaʼtan chuqui yom bʌ miʼ mel (Mt. 17:24-26). ¿Chuqui ti cʼajtiya tac miʼ mejlel a melben juntiquil chaʼan maʼ coltan i ñaʼtan yom bʌ miʼ mel?
Suben chaʼan weñʌch cheʼ tiʼ jacʼʌ. Jesús tsiʼ sube juntiquil stsʼijbaya chaʼan «utsʼat bajcheʼ tsiʼ jacʼʌ» (Mr. 12:34). ¿Chuqui miʼ mejlel a suben juntiquil cheʼ bʌ miʼ jacʼ a cʼajtiya?
¿Bajcheʼ miʼ coltan yambʌlob jiñi laj cʌntesa? (Lc. 24:32).
QʼUELE JIÑI ÑAXAM BɅ PARTE I CHAʼAN JIÑI VIDEO LAʼ LAC CHɅN MEL JIÑI EʼTEL TSAʼ BɅ I TECHE I MEL CRISTO: CɅNTESA YICʼOT JACʼɅ ILI CʼAJTIYA TAC:
Anquese isujmʌch tsaʼ bʌ i yʌlʌ jiñi hermano, ¿chucoch mach weñic bajcheʼ tsiʼ chaʼle cʌntesa?
¿Chucoch mach yomic cheʼ pʼisbil jach mi lac tsictesan jumpʼejl temaj?
QʼUELE JIÑI YAMBɅ PARTE I CHAʼAN JIÑI VIDEO YICʼOT JACʼɅ ILI CʼAJTIYA TAC:
¿Chucoch miʼ mejlel la cʌl chaʼan jiñi hermano weñʌch tsiʼ cʼʌñʌ jiñi cʼajtiya tac?
¿Baqui tac bʌ miʼ mejlel lac lajin tiʼ cʌntesa jiñi hermano?