ÑUC TAC BɅ I CʼɅJÑIBAL TI BIBLIA | GÉNESIS 9-11
«Junchajp jach i tʼan winicob tiʼ pejtelel pañimil»
Ti Babel, Jehová tsiʼ yʌqʼue i laj pucob i bʌ jiñi xñusatʼañob cheʼ tiʼ socbeyob i tʼan. Pero ili ora woliʼ tempan yonlel wiñicob xʼixicob chʼoyoloʼ bʌ ti cabʌl tejclum yicʼot yujiloʼ bʌ yan tac bʌ tʼan. Woliʼ cʌntesañob ti «jumpʼejl jach bʌ tʼan» chaʼan miʼ mejlel i pejcañob Jehová, i chaʼan comol miʼ chʼujutesañob (Sof. 3:9; Ap. 7:9). Ili «jumpʼejl jach bʌ tʼan» jiñʌch i sujmlel tiʼ tojlel Jehová yicʼot chuqui ñaʼtʌbil bʌ i chaʼan i mel, cheʼʌch bajcheʼ mi lac taj ti jiñi Tsʼijbujel.
Cheʼ bʌ mi laj cʌn yambʌ tʼan mach cojach yom mi laj cʌy ti lac jol jiñi tʼan tac. Yom mi laj qʼuextan chuqui mi lac ñaʼtan jaʼel. Cheʼ jaʼel, cheʼ bʌ mi laj cʌn jiñi «jumpʼejl jach bʌ tʼan» chaʼan bʌ i sujmlel, miʼ qʼuextʌyel lac ñaʼtʌbal (Ro. 12:2). Ili jiñʌch muʼ bʌ i mel ti jujumpʼejl qʼuin jiñi i tejclum Dios chaʼan temel miʼ yajñelob (1 Co. 1:10).