I MELBAL JIÑI XÑOPTʼAN
«Chocoxla jini diosteʼ tac am bʌ laʼ chaʼan»
Jacob yujilʌch chaʼan cojach Jehová yom miʼ chʼujutesʌntel anquese maxto añic jumpʼejl mandar baqui miʼ yʌl chaʼan yom miʼ tsʼaʼlentel jiñi diosteʼ tac (Éx. 20:3-5). Jin chaʼan, cheʼ bʌ Jehová tiʼ sube Jacob chaʼan miʼ chaʼ sujtel ti Betel, Jacob tiʼ sube jiñi i familiajob yicʼot yaʼ bʌ añob yicʼot, chaʼan miʼ chocob jiñi i diosteʼ tac. Cheʼ jiñi, Jacob tsiʼ laj mucu jiñi diosteʼ tac, cheʼ bajcheʼ jiñi uyaʼʌl muʼ bʌ i poj cʼʌñob chaʼan maʼañic chuqui miʼ chaʼleñob (Gn. 35:1-4). Jehová tsiʼ mulaj tsaʼ bʌ i mele Jacob.
Ixcu ili ora, ¿bajcheʼ miʼ mejlel lac mel chaʼan cojach Jehová mi lac chʼujutesan? Ñaxam bʌ, yom mi lac tsʼaʼlen jiñi i chʼujutesʌntel jiñi diosteʼ tac, i chaʼan tac bʌ jiñi xwujt o chuqui jach ochem tac bʌ tiʼ chaʼan bʌ xibajob. Ili yom i yʌl chaʼan yom mi lac luʼ choc pejtelel i chaʼan tac bʌ xibajob yicʼot yom mi lac wen tsajin bajcheʼ yilal lac ñusaqʼuin. Cʼajtiben a bʌ: «¿Muʼ ba c pejcan libro tac, o mij qʼuel película i chaʼan tac bʌ vampiro, zombi o i chaʼan tac bʌ xibajob? ¿Muʼ ba c ñusan qʼuin tiʼ qʼuelol mach bʌ lecojic yilal pero an i chaʼan magia yicʼot muʼ bʌ i melob i chaʼan tac bʌ xiba?». Yom mi lac tsʼaʼlen tiʼ pejtelel muʼ bʌ i tsʼaʼlen Jehová (Sal. 97:10).
CHEʼ BɅ TSAʼIX LAʼ QʼUELE JIÑI VIDEO «PɅSɅ LAʼ BɅ TIʼ CONTRA XIBA», JACʼɅ ILI CʼAJTIYA TAC:
¿Chuqui ti wocol woliʼ ñusan juntiquil woli bʌ ti estudio i cʼabaʼ Palesa?
¿Chucoch yom mi laj cʼajtin laj coltʌntel ti jiñi ancianojob cheʼ bʌ an lac wocol tiʼ caj jiñi espiritismo?
Pʌsʌ laʼ bʌ tiʼ contra xiba yicʼot lʌcʼtesan laʼ bʌ ti Dios (Stg. 4:7, 8).
Mi la com chaʼan Jehová miʼ cʌntañonla, ¿chuqui tac mach bʌ yomic an lac chaʼan?
¿Chuqui tsiʼ mele Palesa?
¿Chuqui tac miʼ cʼʌñob jiñi lac piʼʌlob yaʼ baqui chumulet chaʼan maʼañic miʼ poj ticʼlʌntelob ti jiñi xibajob?