Yom wen maʼ yajcan jiñi a wamigojob

Cabʌl chuqui miʼ cʌntesañonla jiñi tsaʼ bʌ ujti tiʼ tojlel jiñi israelitajob yaʼ ti Moab (1 Co. 10:6, 8, 11). Jiñi israelitajob tsaʼ caji i ñochtañob jiñi xʼixicob moabitajoʼ bʌ muʼ bʌ i melob tsʼiʼlel yicʼot muʼ bʌ i chʼujutesañob dios tac mach bʌ i sujmic. Jiñi moabitajob tsaʼ caji i subeñob i melob tsʼiʼlel i jiñi israelitajob tsaʼ yajliyob ti jiñi mulil. Ili tsiʼ yʌcʼʌ cabʌl wocol (Nm. 25:9). Ili ora an lac piʼʌlob ti eʼtel, ti escuela, jiñi chumuloʼ bʌ ti lac tʼejl, lac familiajob yicʼot laj cʌñʌyoʼ bʌ mach bʌ añic miʼ chʼujutesañob Jehová. ¿Bajcheʼ miʼ pʌsbeñonla ili relato am bʌ ti Biblia chaʼan mach weñic cheʼ mi lac sujtesan ti la camigojob jiñi maʼañic bʌ miʼ chʼujutesañob Jehová?

CHEʼ BɅ TSAʼIX LAʼ QʼUELE JIÑI VIDEO EJEMPLO TAC MUʼ BɅ I CɅNTESAÑONLA ILI ORA (I XUJTʼIL), JACʼɅ ILI CʼAJTIYA TAC:

• 

  ¿Chuqui mach bʌ weñic tiʼ subeyob Jamín jiñi Zimrí yicʼot jiñi yambʌlob?

• 

  ¿Chuqui tsiʼ mele Finehás chaʼan miʼ coltan Jamín?

• ¿Chucoch qʼuexelʌch cheʼ bʌ wen mi lac pejcan jiñi maʼañic bʌ miʼ chʼujutesan Jehová yicʼot cheʼ bʌ mi lac sujtesan ti la camigo?

• ¿Chucoch yom wen mi lac yajcan jiñi la camigojob anquese yaʼan ti congregación?

• ¿Chucoch mach yomic mi la cochel ti grupo tac i chaʼan chat baqui an quixtañujob mach bʌ laj cʌñʌyobic?