Uxchajp bajcheʼ mi lac pʌs chaʼan mi lac ñop ti Jehová

David tsiʼ mʌlbe Goliat come tsaʼʌch i ñopo ti Jehová (1 S. 17:45). Jehová yom i pʌs i pʼʌtʌlel chaʼan miʼ coltan i yamigojob (2 Cr. 16:9). ¿Bajcheʼ mi lac pʌs chaʼan mucʼʌch lac ñop ti Jehová i mach ti lac bajñel pʼʌtʌlel? Laʼ laj qʼuel uxchajp.

• Mach a cʌy a mel oración. Cheʼ bʌ maʼ melben oración Jehová mach cojach yom maʼ cʼajtin chaʼan miʼ ñusʌntel a mul, cʼajtin jaʼel a pʼʌtʌlel chaʼan cheʼ bʌ miʼ qʼuejlel a pusicʼal miʼ mejlel a ñusan (Mt 6:12, 13). Melben oración chaʼan miʼ coltañet a ñaʼtan chuqui muʼ bʌ caj a mel i mach chaʼan jach miʼ yʌqʼueñet i bendición chaʼan tsaʼix bʌ a ñaʼta a mel (Snt 1:5).

• Yom ñʌmʌl a pejcan yicʼot a tsajin jiñi Biblia. Pejcan jiñi Biblia ti jujumpʼejl qʼuin (Sal. 1:2). Miʼ mejlel a ñaʼtan chuqui maʼ cʌn tiʼ tojlel jiñi wiñicob yicʼot xʼixicob muʼ bʌ i yʌjlelob ti Biblia, cheʼ jiñi mele chuqui tsaʼ cʌñʌ tiʼ tojlelob (Snt 1:23-25). Chajpan a bʌ chaʼan subtʼan i mach ñaʼtan chaʼan luʼ a wujilix. Chaʼan maʼ ñumen tajben i wenlel jiñi tempa bʌ tac, wʌn chajpan a bʌ.

• Jacʼʌ chuqui miʼ yʌl i yorganización Jehová. Yom a wujil chuqui jiñi tsijib tac bʌ albil i chaʼan i yorganización Jehová i jacʼʌ (Núm. 9:17). Cheʼʌch yom maʼ mel jaʼel cheʼ bʌ jiñi ancianojob an chuqui miʼ yʌlob o cheʼ bʌ miʼ yʌcʼob ticʼojel (Heb 13:17).

CHEʼ BɅ TSAʼIX LAʼ QʼUELE JIÑI VIDEO ¡MACH LAʼ BɅCʼÑAN CHEʼ MI LAʼ TICʼLɅNTEL!, JACʼɅ ILI CʼAJTIYA TAC:

• ¿Chuqui tsaʼ bʌ i bʌcʼñayob jiñi hermanojob tsaʼ bʌ laj qʼueleyob?

• ¿Chuqui tsiʼ coltayob chaʼan miʼ mʌlbeñob i bʌqʼuen?