¿Muʼ baʼ taj a qʼuel bajcheʼ miʼ jacʼbeñet Jehová?

Jiñi Biblia miʼ chʼʌm tilel oración tac tsaʼʌch bʌ i jacʼʌ Jehová. Jiñi i wiñicob Dios tsiʼ qʼueleyob chaʼan Jehová miʼ chʼʌm ti ñuc jiñi i wocolob yicʼot chaʼan miʼ coltañob, i jiñi tsiʼ coltayob chaʼan miʼ ñumen ñopob tiʼ tojlel. Jin chaʼan, jamʌ tsiquil yom mi lac suben ti la coración chuqui la com i mi lac chʌn qʼuel bajcheʼ mi caj i jacʼbeñonla Jehová. Yom mi lac chʼʌm ti ñuc chaʼan an i tajol Jehová mach cheʼic mi caj i jacʼbeñonla cheʼ bajcheʼ la com o ñumento chuqui mi caj i mel ti lac tojlel (2Co 12:7-9; Ef 3:20). Laʼ laj qʼuel bajcheʼ tac miʼ jacʼbeñonla Jehová.

• Chaʼan mi lac ñusan jiñi lac wocol tac miʼ pʼʌtʼesañonla, miʼ tijicñesañonla yicʼot miʼ ñumen lʌcʼtesañonla tiʼ tojlel (Flp 4:13).

• Miʼ yʌqʼueñonla lac ñaʼtʌbal chaʼan mi lac mel chuqui wem bʌ (Snt 1:5).

• Miʼ yʌqʼueñonla lac pʼʌtʌlel chaʼan mi lac mel chuqui wem bʌ yicʼot chaʼan mi lac mulan lac mel (Flp 2:13).

• Miʼ yʌqʼueñonla lac ñʌchʼtʌlel cheʼ bʌ wen woliyonla ti pensar (Flp 4:6, 7).

• Miʼ cʼʌn yañoʼ bʌ chaʼan miʼ pʼʌtʼesañonla yicʼot miʼ tijicñesañonla (1Jn 3:17, 18).

• Miʼ coltan jiñi muʼ bʌ lac tajob ti tʼan ti oración (Hch 12:5, 11).

CHEʼ BɅ TSAʼIX LAʼ QʼUELE JIÑI VIDEO JEHOVÁ JIÑɅCH MUʼ BɅ I ÑɅCHʼTAN JIÑI ORACIÓN TAC, JACʼɅ ILI CʼAJTIYA TAC:

• ¿Bajcheʼ miʼ coltan cʼamoʼ bʌ jiñi i yexperiencia jiñi hermano Shimizu?

• ¿Bajcheʼ miʼ mejlel lac mel tsaʼ bʌ i mele jiñi hermano Shimizu?