19-25 CHAʼAN FEBRERO
SALMOS 8-10
Cʼay 2 yicʼot oración | Tʼan tac chaʼan i tejchibal (1 min.)
1. Laʼ la cʌqʼuen i ñuclel Jehová
(10 min.)
Jehová miʼ wen pʌsbeñonla i yutslel (Sal. 8:3-6; w21.08 3 párr. 6).
Mi lac wen mulan lac suben yambʌlob jiñi wen utsʼatax bʌ i melbal tac Jehová (Sal. 9:1; w20.05 23 párr. 10).
Mi la cʌqʼuen i ñuclel Jehová jaʼel cheʼ mi lac chaʼlen cʼay tiʼ pejtelel lac pusicʼal yicʼot lac tijicñʌyel (Sal. 9:2; w22.04 7 párr. 13).
CʼAJTIBEN A BɅ: ¿Bajcheʼ tac yambʌ miʼ mejlel cʌqʼuen i ñuclel Jehová?
2. Laʼ lac sʌclan ñuc tac bʌ i cʼʌjñibal
(10 min.)
Sal. 8:3. ¿Chuqui yom i yʌl cheʼ bʌ jiñi salmista tsiʼ taja ti tʼan jiñi i yal i cʼʌb Dios? (it-1-S 649).
¿Chuqui ñuc tac bʌ i cʼʌjñibal tsaʼ taja tiʼ pejcʌntel jiñi Biblia ili semana?
3. I pejcʌntel jiñi Biblia
(4 min.) Sal. 10:1-18 (th cʌntesʌntel 11).
4. ¿Bajcheʼ miʼ mejlel a tech tʼan?
(3 min.) SUBTʼAN TI OTOT TAC. Jiñi lac piʼʌl miʼ yʌl chaʼan maʼañic miʼ ñop Dios (lmd lección 5 punto 4).
5. Mele revisita tac
(4 min.) SUBTʼAN BAQUI JACH AÑONLA. Ti yambʌ qʼuin, jiñi lac piʼʌl tsiʼ yʌlʌ chaʼan maʼañic miʼ ñop Dios, pero wʌle yomʌch i ñaʼtan chuqui tac miʼ pʌs chaʼan añʌch majqui tsiʼ meleyonla (th cʌntesʌntel 7).
6. Discurso
(5 min.) w21.06 6, 7 párr. 15-18. Título: Coltan jiñi estudiante chaʼan miʼ yʌqʼuen i ñuclel Jehová (th cʌntesʌntel 10).
Cʼay 10
7. ¿Bajcheʼ yom mi lac chaʼlen subtʼan cheʼ baqui jach añonla?
(10 min.) Tsajin yicʼot yaʼ bʌ tempʌbilob.
Yambʌ bajcheʼ mi la cʌqʼuen i ñuclel Jehová jiñʌch cheʼ mi lac subeñob wen tʼan jiñi lac piʼʌlob muʼ bʌ lac tajob ti jujumpʼejl qʼuin (Sal. 35:28). Tajol ti ñaxan mi lac bʌcʼñan, pero mi tsaʼ laj cʌñʌ lac tech tʼan yicʼot wen jach mi lac pejcañob, cheʼʌch bajcheʼ ñʌmʌlonla ti tʼan, ti wiʼil mach wocolix mi caj la cubin i muʼto caj lac ñusan lac bʌ.
Qʼuelela jiñi VIDEO Yom chajpʌbilet chaʼan maʼ sub «jiñi wen tʼan chaʼan bʌ ñʌchʼtʌlel». Jatetʌch yom maʼ tech. Cheʼ jiñi cʼajtin:
Cheʼ bajcheʼ tsaʼ qʼuele, ¿chuqui miʼ mejlel a mel chaʼan ñumen wen maʼ chaʼlen subtʼan baqui jach añet?
Ili ticʼojel tac mi caj i coltañet chaʼan maʼ tech a pejcan lac piʼʌlob:
Cheʼ bʌ maʼ loqʼuel ti a wotot, wen qʼuele majqui miʼ mejlel a pejcan. Cʼajtiben Jehová chaʼan miʼ coltañet a taj majqui yom bʌ i ñʌchʼtan.
Yom utset yicʼot maʼ pʌs chaʼan mucʼʌch a qʼuel ti ñuc jiñi lac piʼʌl. Wen qʼuele o wen ñʌchʼtan chaʼan maʼ ñaʼtan chuqui muʼ bʌ i mulan i cʌn yaʼ ti Biblia.
Mi weñʌch maʼ qʼuel, aqʼuen a número i cʼajtiben i chaʼan jaʼel.
Mach a wubin a chʼijyemlel mi orajach tsiʼ cʌyʌ tʼan i maʼañix tsaʼ mejli a suben jiñi wen tʼan.
Mach ñajʌyic a chaʼan jiñi tsaʼ bʌ a pejca. Chaʼan miʼ qʼuel chaʼan cʼajalʌch a chaʼan, chocben majlel jumpʼejl texto am bʌ ti Biblia o jumpʼejl enlace am bʌ ti jw.org.
Mele iliyi: Mi an majqui miʼ cʼajtibeñet bajcheʼ tsaʼ ñusa ti fin de semana, suben chuqui tsaʼ cʌñʌ ti tempa bʌ o chucoch mi lac chaʼlen subtʼan.
8. Yomto bʌ melol ti laj congregación
(5 min.)